پاکستانی اداکارہ جویریہ عباسی نے نکاح کے کئی ماہ گزر جانے کے بعد اپنے دوسرے شوہر کے ہمراہ تصاویر شیئر کر دیں۔
اداکارہ جویریہ عباسی نے اپنے انسٹاگرام اکاؤنٹ پر شوہر عدیل حیدر کے ہمراہ نکاح کی تقریب کی چند تصاویر شیئر کی ہیں جن میں انہیں اپنے شوہر کے ساتھ خوشگوار موڈ میں دیکھا جا سکتا ہے۔
یہ بھی پڑھیں: اداکارہ جویریہ عباسی کے شوہر کون ہیں؟
انسٹاگرام پر نکاح سمیت دیگر رسومات کے تصاویر شیئر کی گئی ہیں۔ تصویروں میں جویریہ عباسی نے گہرے گلابی اور سنہری رنگ کا عروسی لباس جبکہ اُن کے شوہر نے سفید رنگ کا لباس زیب تن کیا ہوا ہے۔
View this post on Instagram
واضح رہے کہ جویریہ عباسی نے رواں سال 5 مئی کو اپنی منگنی کا اعلان کیا تھا۔ انہوں نے فرانس کے دارالحکومت پیرس کے ایفل ٹاور سے انگوٹھی پہننے کی تصویر شیئر کرتے ہوئے نئی زندگی کی شروعات کا عندیہ دیا تھا۔
بہت سے لوگوں کی جانب سے یہ دعویٰ کیا جارہا تھا کہ جویریہ عباسی کے شوہر فوٹوگرافر ہیں مگر ایک انٹرویو میں اداکارہ نے اس کی وضاحت دیتے ہوئے کہا تھا کہ عدیل حیدر فوٹوگرافر نہیں بلکہ کاروباری ہیں۔
یہ بھی پڑھیں: جویریہ عباسی کی دوسرے شوہر کے ساتھ سیلفی، یہ کیسی نقاب کشائی ہے؟
اداکارہ کا نکاح رواں برس 15 مارچ کو ہوا جس کی چھوٹی سی تقریب گھر میں ہی منعقد کی گئی تھی۔ جویریہ عباسی کی پہلی شادی 1997 میں اداکار شمعون عباسی سے ہوئی تھی۔
شادی کے 12 برس بعد 2009 میں جویریہ اور شمعون کی طلاق ہوگئی تھی۔ شمعون عباسی سے ان کی ایک بیٹی عنزیلہ عباسی ہے جس کی شادی انہوں نے گزشتہ برس کی تھی۔