آرمی چیف جنرل سیدعاصم منیر نے ایل اوسی پر اگلے مورچوں کا دورہ کیا جہاں انہیں تازہ صورتحال اورفارمیشنزکی آپریشنل تیاریوں پربریفنگ دی گئی۔
آئی ایس پی آر کے مطابق اس موقع پر آرمی چیف نے مقامی آبادی کوہرممکن تعاون فراہم کرنےکی بھی ہدایت کی۔
آرمی چیف جنرل عاصم منیر نے کہا کہ پاک فوج پاکستان کی خودمختاری اورسالمیت کےتحفظ کے لیےپرعزم ہے۔ انہوں نے فوجی اہلکاروں کو ہدایت کی کہ وہ مزید چوکنا رہ کرپوری لگن سےفرائض سرانجام دیں۔
آرمی چیف سیدعاصم منیر نے کہا کہ پاک فوج ہرقسم کےخطرے سے نمٹنے کے لیے تیار ہے۔ انہوں نے واضح کیا کہ پاکستان کشمیریوں کی امنگوں اور اقوام متحدہ کی قراردادوں کےمطابق تنازع کشمیرکا حل چاہتا ہے۔
آرمی چیف کےایل اوسی پہنچنےپرکورکمانڈرراولپنڈی نے ان کا استقبال کیا۔
