ملکی حالات کے پیش نظر الیکشن کمیشن آف پاکستان نے ادارے میں بھرتیوں کے لیے کل (6 اکتوبر) ہونے والے ٹیسٹ مؤخر کردیے۔
ترجمان الیکشن کمیشن نے بتایا ہے کہ غیر متوقع حالات کی وجہ سے امیدواروں کو امتحانی مراکز تک پہنچنے میں درپیش مشکلات کے پیش نظر 6 اکتوبر 2024 کو اسلام آباد اور کراچی مراکز پر منعقد ہونے والے ٹیسٹ مؤخر کردیے گئے ہیں۔
ترجمان نے بتایا کہ ڈپٹی اسسٹنٹ ڈائریکٹر (اکاؤئنٹ)، سینیئر اسسٹنٹ اور جونیئر اسسٹنٹ کے عہدوں کے لیے ٹیسٹ ی نئی تاریخ کا اعلان بعد میں کیا جائے گا۔
ترجمان نے کہاکہ الیکشن کمیشن آف پاکستان تمام امیدواروں سے اس تکلیف پر معذرت خواہ ہے اور ان کے تعاون کا شکریہ ادا کرتا ہے۔
واضح رہے کہ پی ٹی آئی کی جانب سے اسلام آباد اور لاہور میں احتجاج کی کال کے باعث راستے بند ہونے سے عوام کو مشکلات کا سامنا کرنا پڑ رہا ہے۔
