پاکستان تحریک انصاف کے اسلام آباد کے احجتاج میں حصہ لینے والی خیبرپختونخوا کی سرکاری اور ضبط کی گئی گاڑیاں خیبرپختونخوا کے محکمہ ایکسائز نے چیف منسٹر ہاؤس کے حوالے کی تھیں۔
یہ بھی پڑھیں: خیبر پختونخوا کے سرکاری اہلکار کیسے سیاست کی بھینٹ چڑھ گئے؟
ذرائع کے مطابق احتجاج میں استعمال کی جانے والی خیبر پختونخوا کی سرکاری گاڑیوں اور محکمہ ایکسائز کی ضبط شدہ گاڑیوں کے حوالے سے بتایا گیا ہے کہ پہلے انہیں کے پی چیف منسٹر ہاؤس کے حوالے کیا گیا جس کے بعد وہ سرکاری اور ضبط شدہ گاڑیاں پی ٹی آئی کے سیاسی لیڈرز میں تقسیم کیا گئیں۔
سیکریٹری ایکسائز فیاض علی شاہ کے مطابق ایڈمنسٹریشن نے درجنوں گاڑیاں وئیر ہاؤس اور محکمہ ایکسائز سے لے کر سی ایم ہاؤس میں جمع کرائی تھیں۔
بعد ازاں سی ایم ہاوس سے گاڑیاں احتجاج کے لیے پی ٹی آئی کے سیاسی لیڈرز کو دی گئی تھیں۔ ان میں مختلف ماڈل کی 38 گاڑیاں شامل تھیں۔
