کچے کے ڈاکوؤں نے سندھ کے علاقے شکار پور کے قریب فائرنگ کرکے ایس ایچ او کو شہید کردیا۔
پولیس نے بتایا ہے کہ ایس ایچ او سہراب اوڈھو ملزمان کی گرفتاری کے لیے جارہے تھے کہ کچے کے ڈاکوؤں نے ٹاؤن چک کے علاقے میں فائرنگ کی جس کی زد میں وہ آگئے۔
یہ بھی پڑھیں سکھر پولیس کچے کے ڈاکوؤں کیخلاف آپریشن جاری، ایک مغوی بازیاب
صوبائی وزیر داخلہ ضیاالحسن لنجار نے واقعہ کا نوٹس لیتے ہوئے ہدایت کی ہے کہ ایس ایچ او کو شہید کرنے والے ملزمان کو فوری گرفتار کیا جائے۔
وزیر داخلہ نے ہدایت کی کہ شہید ہونے والے ایس ایچ او کی پورے سرکاری اعزاز کے ساتھ تدفین کی جائے۔
دوسری جانب کچے کے ڈاکوؤں کی فائرنگ سے شہید ہونے والے ایس ایچ او کی نماز جنازہ پولیس ہیڈکوارٹر میں ادا کردی گئی جس میں پولیس افسران اور اہلکاروں سمیت دیگر نے شرکت کی۔
یہ بھی پڑھیں ’ہم سے اچھے تو ڈاکو نکلے‘، کچے کے ڈاکوؤں کے یوٹیوب چینل پر صارفین کے تبصرے
ڈی آئی جی لاڑکانہ ناصر آفتاب نے کہا ہے کہ ایس ایچ او کو شہید کرنے والے ملزمان کو جلد گرفتار کرلیں گے۔
