پاکستان شوبز انڈسٹری کے معروف اداکار اعجاز اسلم کی والدہ انتقال کر گئیں۔ سینیئر اداکار کی والدہ کے انتقال پر شوبز شخصیات سمیت مختلف شعبہ ہائے زندگی سے تعلق رکھنے والے افراد نے ان سے اظہار تعزیت کیا ہے۔
اداکار نے فوٹو اینڈ ویڈیو شیئرنگ ایپ انسٹاگرام پر اپنی والدہ کی ایک تصویر شیئر کی ہے جس میں انہیں اسپتال کے سفید لباس میں ملبوس دیکھا جا سکتا ہے، جس سے اندازہ ہوتا ہے کہ ان کی والدہ بیمار تھیں۔
View this post on Instagram
اعجاز اسلم نے کیپشن میں لکھا کہ میری پیاری والدہ اس دنیا کو چھوڑ کر بہترجہاں میں چلی گئی ہیں، ان کی رحم دلی، محبت اور سمجھداری ہمیشہ میرے دل میں زندہ رہے گی۔
اداکار نے اپنے چاہنے والوں سے درخواست کرتے ہوئے یہ بھی لکھا ہے کہ انہیں اپنی قیمتی دعاؤں میں یاد رکھیں۔
اعجاز اسلم سے اظہارِ تعزیت کرنے والوں میں اداکار عمر عالم، میڈیا پرسن رابعہ انعم، اداکار فیصل قریشی کی اہلیہ ثناء فیصل، اداکارہ نادیہ حسین، عائشہ گُل، زینب قیوم و دیگر شامل ہیں۔
