معروف قانون دان اور سپریم کورٹ بار کےسابق صدریاسین آزاد کا واٹس ایپ ہیک کر لیا گیا۔
یہ بھی پڑھیں:واٹس ایپ ہیکنگ سے وائس کلوننگ تک، آن لائن فراڈ کے نت نئے طریقے
معروف قانون دان اور سپریم کورٹ بار کےسابق صدریاسین آزاد کا واٹس ایپ ہیک کر لیا گیا ہے، جس کے بعد ہی ہیکر کی جانب سے واٹس ایپ پر میسج کرکے وکلا، صحافیوں اور دیگر افراد سے لاکھوں روپےکا تقاضا کیا جا رہا ہے۔
ہیکر کی جانب سے بیرسٹرصلاح الدین کو 10لاکھ روپے دینےکامیسج کیا گیا ہے۔ جب کہ دنیا نیوز کے کورٹ رپوٹر سے 2 لاکھ روپے کی مدد کی اپیل کی گئی ہے۔
یہ بھی پڑھیں:واٹس ایپ کا نیا سیفٹی فیچر آپ کو سائبر کرائم اور فراڈ سے کیسے بچائے گا؟
ہیکر کی جانب سے جن افراد کو پیسوں کی لیے میسجز کیے گئے ہیں انہیں رقم دوسرے روز واپس کرنے کی یقین دہانی کروائی جا رہی ہے۔
اس بارے میں یاسین آزاد ایڈووکیٹ کا کہنا ہے کہ نامعلوم ہیکر مجھے بدنام کرنےکی کوشش کر رہا ہے۔ یہ میسجز پاکستان بھر میں میرےدوستوں کو کیےجارہےہیں۔
ان کا کہنا ہے کہ میسج دیکھ کر بہت سے دوستوں نے رابطہ کیا ہے۔ میری تمام احباب سے درخواست ہے کہ کوئی بھی ان پیغامات کا جواب نہ دے۔
