پاکستان تحریک انصاف کے رہنما شیر افضل مروت ان دنوں پارٹی کے احتجاجی پروگرامز کے سرگرم نہیں دکھائی دے رہے ۔ اس حوالے سے جب میڈیا نے ان سے سوال کیا کہ وہ احجتاجی کی قیادت کیوں نہیں کر رہے تو انہوں نے اس کی 2 وجوہات بتائیں۔
یہ بھی پڑھیں: ’پی ٹی آئی ارکان نے ہمیں بھی ماموں بنایا‘، شیر افضل مروت اپنی ہی پارٹی کے لوگوں پر برس پڑے
شیر افضل مروت نے کہا کہ پی ٹی آئی کے بانی چیئرمین نے انہیں جلسے جلوسوں کے حوالے سے بلایا تھا اور احتجاج کے حوالے سے کمیٹی میں شامل کرنے کا بھی کہا تھا لیکن انہوں نے کہا کہ پارٹی کے لوگ کہہ رہے ہیں کہ اگر آپ کو اس میں شامل رکھا جاتا ہے تو سارا کریڈٹ آپ لے اڑیں گے۔
شیر افضل مروت احتجاج کیوں لیڈ نہیں کر رہے؟ pic.twitter.com/zBlDlWzFUh
— WE News (@WENewsPk) October 22, 2024
رہنما پی ٹی آئی نے کہا کہ میں نے یہ جواب دیا کہ دیکھیں جو احجتاج کے دوران مارپیٹ و سختی سہتا ہے کریڈٹ تو اسے ملتا ہی ہے۔ انہوں نے مزید کہا کہ 9 مئی کے موقعے پر تو ایک وہی تھے جنہوں نے سختیاں سہیں اور کریڈٹ بھی لیا۔
مزید پڑھیے: پی ٹی آئی احتجاج، شیر افضل مروت کہاں تھے؟
شیر افضل مروت نے کہا کہ سوشل میڈیا پر پی ٹی آئی کارکنان ان سے دریافت کرتے ہیں کہ وہ احتجاجی تحریک لیڈ کیوں نہیں کرتے جس میں ان سے کہتا ہوں کہ میں ایسی کسی تحریک کا اپنے تئیں فیصلہ نہیں کر سکتا جس میں سینکڑوں لوگ مارے جائیں کیوں کہ حکومت کا رویہ انتہائی جارحانہ ہے وہ کوئی رعایت برتنے کو تیار نہیں ہے۔
انہوں نے پی ٹی آئی کارکنان کو مشورہ دیا کہ وہ قیادت کو درست فیصلے کرنے پر مجبور کریں۔
