اسلام آباد میں احتجاج کے پیش نظر شہر کی کئی سڑکیں ٹریفک کے لیے بند کردی گئیں ہیں۔
یہ بھی پڑھیں:’اسلام آباد میں رہنا اب عذاب بن رہا ہے‘ راستوں کی بندش پر شہری بلبلا اٹھے
اسلام آباد ٹریفک پولیس کے مطابق اسلام آباد میں احتجاج کے پیش نظر سہروردی روڈ، پرانا ایم این اے ہاسٹل کے پاس اور سہروردی روڈ لوپ بجانب سری نگر ہائی وے ٹریفک کے لیے بند کر دیا گیا ہے ۔
اسلام آباد ٹریفک پولیس کا کہان ہے کہ متبادل کے طور پر سری نگر ہائی وے استعمال کریں۔چاند تارا چوک سے ڈھوکڑی چوک تک ٹریفک کا دباؤ ہے۔
اسلام آباد ٹریفک پولیس نے شہریوں سے گزارش کی ہے کہ لین ڈسپلن کی پابندی کرتے ہوئے اپنا سفر جاری رکھیں۔ ریڈ زون داخلے کے لیے ایوب چوک اور مارگلہ روڈ استعمال کریں۔
اسلام آباد ٹریفک پولیس کے مطابق ہم آپ کی رہنمائی کے لیے مصروف عمل ہیں۔
پولیس کی جانب سے اس حوالے سے مزید معلومات کے لیے ایف ایم 92.4 یا اسلام آباد ٹریفک پولیس کے دوسرے سوشل میڈیا پلیٹ فارم فالو کرنے کا مشورہ دیا گیا ہے۔
