پاکستان میں سندھ شیلڈ 2024 مشترکہ فضائی مشق اتوارکو باضابطہ طورپراختتام پذیرہوگئی ہے۔ اس مشق میں سعودی عرب، مصر، ترکی اور پاکستان سمیت مختلف ممالک کی فضائی افواج نے بھرپور حصہ لیا۔
یہ بھی پڑھیں:مشترکہ پاک سعودی فوجی مشقیں ’البتار۔ون‘ اختتام پذیر
مشق کا مقصد بین الاقوامی سطح پر دفاعی تعاون کو فروغ دینا اور جدید جنگی ماحول میں افواج کی تیاری اور پیشہ ورانہ صلاحیتوں کو بہتر بنانا تھا۔ سعودی عرب نے اس مشق میں اپنے (بانافیا ٹورناڈو) طیاروں کے ساتھ شرکت کی، جو مختلف جنگی مشنز انجام دینے کی صلاحیت رکھتے ہیں اور جدید ہتھیاروں اور الیکٹرانک جنگی نظاموں سے لیس ہیں۔
سندھ شیلڈ 2024 کے دوران سعودی اور دیگر ممالک کی فضائیہ نے مشترکہ مشقوں میں نمایاں کارکردگی کا مظاہرہ کیا۔ اس موقع پر پاکستان اور سعودی عرب کے حکام نے اس مشق کو دونوں ممالک کے درمیان دفاعی تعلقات کو مزید مضبوط کرنے کا موقع قرار دیا اور مستقبل میں بھی ایسی مشترکہ مشقوں کے انعقاد کے عزم کا اظہار کیا۔
مزید پڑھیں:مظفر گڑھ: پاک فوج اور سعودی رائل لینڈ فورسز کی مشترکہ مشقیں
یہ مشق خطے میں امن اور استحکام کے فروغ میں کلیدی حیثیت رکھتی ہے اور شراکت دار ممالک کے درمیان اعتماد سازی اور دفاعی تعاون کو مضبوط بنانے کا ذریعہ سمجھی جاتی ہے۔
