رہنما تحریک انصاف فواد چوہدری نے لاہور ہائی کورٹ کے باہر گفتگو کرتے ہوئے کہا کہ موجودہ حکومت نے آکر نگران سیٹ اپ کا بیڑا غرق کر دیا ہے۔ الیکشن کمیشن نے نگران حکومت کو ٹرانسفر پوسٹنگ کے لامحدود اختیارات دے دیے ہیں اور یہ کھلے عام آئین کی خلاف ورزی ہے۔
فواد چوہدری نے کہا، لاہور ہائی کورٹ نے الیکشن کمیشن کو نوٹس دیا ہے کہ آپ نے کیسے اومنی آڈر دے دیا کہ جس طرح سے دل کرے، ٹرانسفر کردیں۔ ہم نے 22 لوگوں پر اعتراض کیا تھا جس پر الیکشن کے پاس اب 3دن رہ گئے ہیں۔ انہوں نے فیصلہ کرنا ہے کہ ان کو ٹرانسفر کرنا ہے کہ نہیں کرنا۔ یہ بائیس آفیسرز جو ہیں یہ پنجاب سے دربدر ہوں گے انکے کیریئر بھی اب ختم ہو گئے ہیں
فواد چوہدری نے مزید کہا کہ الیکشن کمیشن کی حیثیت تو پہلے پہ منشی الیکشن کمیشن کی ہے۔ ان کے ہر فیصلے پر ہمیں ہائی کورٹ میں ہی آنا پڑے گا۔ پاکستان کے آئین سے الیکشن کو ختم کرنے کا مطلب پاکستان کے آئین کو دفن کرنا ہے۔ پارلیمنٹ میں جو قراداد منظور کرائی گئی، اس کے منظور کرنے والوں میں آدھے لوگ وہ ہیں جو ریزرو سیٹ پر آئے ہوئے ہیں، وہ ہمیں رابطہ کرکے کہتے ہیں کہ ہمارے خلاف عدالت نہ جائیں، ہم نے تو قرارداد پڑھی بھی نہیں۔ فواد چوہدری نے کہا کہ جن 42لوگوں نے دستخط کئے ہیں ان میں وزیراعظم شامل ہی نہیں ہیں۔
انہوں نے کہا کہ آئین کو قرار دادوں سے نہیں بدلا جا سکتا، یہ لوگ جو قراردادیں پیش کر رہے ہیں، آئین کی خلاف ورزی کر رہے ہیں۔ ہم پٹیشن دائر کر رہے ہیں، ان کے خلاف توہین عدالت لگے گی۔
