فیصل آباد کی ضلعی عدالت نے جعلی پولیس مقابلے میں 2 نوجوانوں کی ہلاکت پر 3 پولیس اہلکاروں سمیت 4 ملزمان کو 2 بار سزائے موت کا حکم سنایا ہے۔
یہ بھی پڑھیں: عابد باکسر پر مقدمات کے لیے مساجد میں اعلانات
2018 میں رپورٹ ہونیوالے جعلی پولیس مقابلے کے مقدمے کی سماعت ایڈیشنل سیشن جج نے کی، وکلا کی جانب سے دلائل مکمل ہونے کے بعد عدالت نے جعلی پولیس مقابلے میں 2 نوجوانوں کے قتل کے مقدمے کا فیصلہ سنا دیا۔
عدالت نے چاروں ملزمان ہیڈ کانسٹیبل اصغر علی، کانسٹیبل فلک شیر، فیصل اور رضاکار وقاص کو فی کس20 لاکھ روپے جرمانے کی سزا بھی سنائی ہے، عدالت نے مقدمے میں نامزد ملزم اے ایس آئی جاوید اختر کو بری کرنے کا حکم دیا ہے۔
مزید پڑھیں: ساہیوال میں دہشتگردوں کی ہلاکت کا مقدمہ 12 حملہ آوروں کیخلاف درج
مجرم پولیس اہلکاروں نے 8 اگست 2018ء کو موٹر سائیکل سوار ارسلان اور عثمان کو قتل کیا تھا اور بعد ازاں اسی دُہرے قتل کو پولیس مقابلہ ظاہر کرنے کی کوشش کی تھی۔
