سوشل میڈیا پر ایک ویڈیو وائرل ہو رہی ہے جس میں مینار پاکستان کو ترکیہ کے قومی پرچم سے روشن دیکھا جا سکتا ہے، پارکس اینڈ ہارٹی کلچر اتھارٹی (پی ایچ اے) لاہور نے ترکیہ کے قومی دن کے موقع پر مینار پاکستان کو سرخ اور سفید ترک جھنڈے سے سجایا، ترک پرچم میں لپٹے مینار پاکستان کو دیکھنے کے لیے اہلیان لاہور کی بڑی تعداد گریٹر اقبال پارک پہنچ گئی۔
سوشل میڈیا پر ویڈیو وائرل ہوئی تو صارفین کی جانب سے وزیراعلیٰ پنجاب مریم نواز کے اس اقدام کو سراہا گیا۔ اسد چوہدری نامی صارف نے مریم نواز کی تعریف کرتے ہوئے کہا کہ مریم نواز نے انتہائی خوبصورت لائٹنگ سسٹم مینار پاکستان پر لگوا دیا ہے اب مختلف ممالک کے قومی دن یا قومی تہواروں کے حساب سے لائٹنگ کر کے ان مواقعوں کو منایا جائے گا۔ انہوں نے ویڈیو شیئر کرتے ہوئے لکھا کہ ترکی کے قومی دن پر انتہائی خوبصورت لائٹنگ کا منظر دیکھیں ساتھ ہی انہوں نے مینار پاکستان کو پاکستان کا ’برج خلیفہ‘ قرار دے دیا۔
پاکستان کا"برج خلیفہ"۔۔۔
مریم نواز نے انتہائی خوبصورت لائٹنگ سسٹم مینار پاکستان پر لگوا دیا۔۔۔اب مختلف ممالک کے قومی دن یا قومی تہواروں کے حساب سے لائٹنگ سے ان مواقعوں کو منایا جائے گا۔
ترکی کے قومی دن پر انتہائی خوبصورت لائٹنگ کا منظر دیکھیں۔
ویلڈن @MaryamNSharif(اسد آر… pic.twitter.com/s9aMdeMAf4
— Asad R Chaudhry (@Asadrchaudhry) October 29, 2024
دانش مسعود لکھتے ہیں کہ وزیراعلیٰ پنجاب مریم نواز نے جدید لائیٹنگ سسٹم سے مینار پاکستان کو مزید خوبصورت اور دلکش بنا دیا ہے اس اقدام کے لیے مریم صاحبہ کے لیے داد تو بنتی ہے۔
وزیراعلیٰ مریم نواز نے مینار پاکستان پر جدید لائیٹنگ سسٹم سے مینار پاکستان کو مزید خوبصورت اور دلکش بنا دیا۔۔۔ وزیراعلیٰ پنجاب کے احکامات پر مینار پاکستان کو ترکیہ کے قومی پرچم سے روشن کر دیا گیا۔۔ مریم صاحبہ کیلئیے داد تو بنتی ہے👏👏👏 pic.twitter.com/xhffuOnRSw
— Danish Masood (@DanishGhazali17) October 29, 2024
ایک صارف نے لکھا کہ پاکستان سے محبت کرنے والا ایسا ہی عمل کر سکتا ہے۔
پاکستان سے مُحبت کرنے والا ہی ايسا عمل کر سکتا ہے https://t.co/GlTzsbjSpR
— khuram yasin (@khuramysn) October 29, 2024
ایک ایکس صارف نے کہا کہ جس طرح ترکیہ کے قومی دن کے موقع پر مینار پاکستان کو سرخ اور سفید ترک جھنڈے سے سجایا گیا اسی طرح سے دسمبر میں متحدہ عرب امارات کے قومی دن کے موقع پر بھی لائٹنگ کی جانی چاہیے کیونکہ دبئی میں 14 اگست کو برج خلیفہ پر پاکستان کا قومی پرچم اور ترانہ بجایا جاتا ہے اسی طرح روس چین اور سعودی عرب کے قومی دن پر بھی لائٹنگ کی جائے۔
اسی طرح سے دسمبر میں متحدہ عرب امارات کے قومی دن 🌞 کے موقع پر بھی لائٹنگ کی جانی چاہیے کیونکہ دبئی میں 14 اگست کو برج خلیفہ پر پاکستان 🇵🇰 کا قومی پرچم اور ترانہ بجایا جاتا ہے
اسی طرح روس چین 🇨🇳 سعودی عرب کے قومی دن 🌞 پر بھی لائٹنگ کی جائے— DoN oF Dubai (@shahidmemon20) October 29, 2024
ترکیہ کے قومی دن پر وزیراعلیٰ پنجاب مریم نواز نے اپنے پیغام میں کہا ہے کہ ترکیہ کےعوام کو قومی دن پر مبارکباد پیش کرتی ہوں، مریم نواز نے کہا ہے کہ پاکستان اور ترکیہ کے مابین دوستی کی بنیاد اخوت اور بھائی چارہ ہے، پاک ترک تعلقات محض دو ممالک نہیں دو عظیم قوموں کا انمول رشتہ بھی ہے، رجب طیب اردگان کی قیادت میں ترکیہ نے ترقی کے کئی سنگ میل عبور کیے ہیں۔
انہوں نے پیغام میں مزید کہا ہے کہ ثقافتی، تجارتی اور سیاحتی روابط سے دونوں ممالک کے عوام کے دلوں میں قربت بڑھ رہی ہے، دعا گو ہوں کہ پاکستان اور ترکیہ کا رشتہ ہمیشہ قائم و دائم رہے۔
