پاکستان کے سینئر اداکار فردوس جمال بیٹے کے بیان پر کھل کر سامنے آ گئے اور اہلیہ سے خلع کے معاملے پر خاموشی توڑ دی۔
فردوس جمال کا کہنا ہے کہ ان کے اور اہلیہ کے درمیان کوئی طلاق نہیں ہو رہی ہے۔ انہوں نے مزید کہا کہ ان کے بچے شادی شدہ ہیں اور وہ دادا بن چکے ہیں اب کیسے بیوی سے الگ ہو سکتے ہیں انہوں نے کہا کہ یہ سچ نہیں ہے۔
@subhasadiq #exclusive #firdousjamal #videoviral ♬ original sound – Subha Sadiq
واضح رہے کہ گزشتہ روز سینیئر اداکار فردوس جمال کے بیٹے حمزہ فردوس نے گزشتہ روز والد پر سنگین الزامات لگاتے ہوئے کہا تھا کہ والد کے رویے کی وجہ سے ان کی والدہ نے خلع لے لی ہے۔
حمزہ فردوس نے یوٹیوب پر جاری کی گئی ویڈیو میں بتایا کہ وہ اپنے گھریلو معاملات کو سوشل میڈیا پر نہیں لانا چاہتے تھے لیکن والد کی متعدد ویڈیوز وائرل ہونے کے بعد مجبور ہوئے کہ اس معاملے پر بات کی جائے۔
یہ بھی پڑھیں: فردوس جمال کا متنازع بیان، ہمایوں سعید نے خاموشی توڑ دی
حمزہ فردوس نے کہا کہ ان کا کہنا تھا کہ ان کی والدہ نے ان کے والد کے ساتھ شادی میں 40 سال گزار دیے لیکن اس باوجود وہ یہی شکوہ کرتے رہتے ہیں کہ ان کی شادی غلط جگہ پر ہوئی۔ انہوں نے مزید کہا کہ کوئی بھی عورت شادی کے 35 سال بعد خلع لینا نہیں چاہتی اور ان کی والدہ صرف اس امید میں اتنے سال پیچیدہ رشتے میں رہیں کہ ایک دن سب ٹھیک ہو جائے گا لیکن کچھ بھی بہتر نہیں ہوا۔
حمزہ فردوس نے اپنے والد کی غلطیوں کی طرف اشارہ کرتے ہوئے کہا کہ والد کی بہت سی بری عادتیں تھیں جو خاندان کے لیے تکلیف دہ تھیں لیکن انہوں نے کبھی اپنی غلطیوں کو تسلیم نہیں کیا بلکہ اپنے بچوں اور بیوی کے خلاف چلے گئے۔
انہوں نے سوال کیا کہ لاہور میں رہائش کے لیے اور بھی اچھی جگہیں ہیں لیکن ان کے والد ایک خراب جگہ میں رہائش کے لیے بضد کیوں ہیں؟ اور وہاں ہی وہ کیوں رہائش اختیار کیے ہوئے ہیں؟
ان کا کہنا تھا کہ ان کے والد اور خاندان سے متعلق بہت سارے معاملات کا علم میڈیا کے بہت سارے لوگوں کو ان سے زیادہ ہوگا، اس لیے وہ زیادہ کھل کر بات نہیں کرنا چاہتے، وہ پردے میں رہ کر بات کر رہے ہیں۔
