سپریم کورٹ کے جسٹس قاضی فائز عیسی کےخلاف دائر ریفرنس کی جلد سماعت کی متفرق درخواست دائر کر دی گئی ہے۔
وحید شہزاد بٹ نامی شہری نے سپریم جوڈیشل کونسل میں سپریم کورٹ کے جسٹس قاضی فائز عیسیٰ کے خلاف ریفرنس کی جلد سماعت کے لیے درخواست دائر کی ہے۔
درخواست کے متن میں کہا گیا ہے کہ قاضی فائز عیسیٰ نے آج تک اپنی منی ٹریل نہیں دی، قاضی فائز عیسیٰ نے اپنے اثاثے آج تک ظاہر نہیں کیے۔
درخواست میں کہا گیا ہے کہ قاضی فائز عیسیٰ کی اہلیہ نے ساڑھے 13کروڑ کی جائیدادیں خریدیں، سرینا عیسیٰ ان جائیدادوں کی منی ٹریل نہیں دے سکیں۔
شہری وحید شہزاد بٹ نے مؤقف اپنایا ہے کہ انکم ٹیکس نے ان جائیدادوں پر ساڑھے 3کروڑ کےٹیکسز عائد کئے، معاملہ حساس اور قومی نوعیت کا ہے، سپریم جوڈیشل کونسل سے استدعا ہے کہ ریفرنس کی جلد سماعت کی جائے۔