قومی کرکٹ ٹیم کے اوپننگ بیٹر فخر زمان بابر اعظم کے حق میں پوسٹ کرنے اور اس پوسٹ کے سبب ٹیم سے ڈراپ ہونے کے بعد سے ہی خبروں میں ہیں، فخر زمان نے انگلینڈ کے خلاف سیریز کے 2 میچوں میں بابر اعظم کو آرام دیے جانے پر پی سی بی کے فیصلے پر سوال اٹھایا تھا جس کے بعد انہیں شوکاز نوٹس جاری کیا گیا تھا۔
اب حال ہی میں ان کی ایک اور ویڈیو سوشل میڈیا پر وائرل ہورہی ہے جس میں وہ نجی ٹی وی کے شو میں شریک ہیں اور ان کے ساتھ فاسٹ بولر حارث رؤف اور شاہین شاہ آفریدی بھی موجود ہیں۔
میزبان نے فخر زمان سے سوال کیا کہ کیا بابر اعظم کو ہم کبھی لاہور قلندرز کی ٹیم میں دیکھ پائیں گے جس پر انہوں نے سر جھکا کر کہا کہ بابر کا نام نہیں لینا۔ فخر زمان کے اس جواب پر تمام ساتھی کھلکھلا کر ہنس پڑے جبکہ حارث رؤف شاہین آفریدی کو یہ کہتے نظرآئے کہ ’کیمرہ لگا ہوا ہے، اب فخر زمان کو ایک اور نوٹس آئے گا‘۔
Fakhar Zaman : "Babar ka name ni lena"
Haris Rauf : "Camera laga howa hai isy abi 1 or notice aye ga" 😂pic.twitter.com/VHyM8QRXkV
— Abu Bakar Tarar (@abubakartarar_) November 13, 2024
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ ایک صارف نے لکھا کہ بابر اعظم نے فخر زمان کا کیرئیر ختم کردیا ہے۔
@babarazam258 ne @FakharZamanLive ka career khatm kr Diya Hai??😭😭😭 #tweet https://t.co/bRnHfa7mTH
— ammara🎀 (@ammarahmalik102) November 13, 2024
مشال خان نے رونے والی ایموجی کا سہارا لیتے ہوئے کہا کہ ایک اور نوٹس آئے گا۔
Ek or notice aye ga 😭😭 https://t.co/2OfpsDHqyk
— Mishal_khan309 (@Mishal_khan309) November 13, 2024
واضح رہے کہ فخر زمان نے سوشل میڈیا پر جاری بیان میں بھارتی کرکٹر ویراٹ کوہلی کی مثال دی تھی کہ جب وہ آؤٹ آف فارم تھے تو انہیں آرام نہیں دیا گیا تھا تو بابر کو کیوں دیا گیا جس کے بعد فخر کو شوکاز نوٹس جاری کیا گیا تھا۔
بعدازاں فخر زمان نے شوکاز نوٹس کا جواب دیتے ہوئے کہا تھا کہ بابراعظم دنیا کے بہترین بیٹرز میں سے ایک ہیں، وہ اچھے دوست بھی ہیں اس لیے اظہار خیال کیا تھا۔
