لاہور میں 16 دسمبر کو تمام سرکاری اور غیر سرکاری اسکول و کالج بند رہیں گے جبکہ جامعات کھلی رہیں گی۔
ڈپٹی کمشنر کے جاری کردہ نوٹیفکیشن کے مطابق سقوطِ ڈھاکہ اور اے پی ایس سانحہ پشاور کے شہدا کی یاد میں اسکول اور کالج بند رہیں گے۔
یہ بھی پڑھیں: اے پی ایس پشاور: شہید بچوں کے والدین کی ہر میٹھی عید پھیکی رہتی ہے
ڈی سی نے کہا کہ شہدائے آرمی پبلک سکول کی قربانیوں کو کبھی فراموش نہیں کریں گے اور 16 دسمبر 2014 کا سانحہ بہت گہرا زخم ہے جس کا بھرپانا ممکن نہیں ہے۔
انہوں نے کہا کہ سانحہ پشاور میں بچوں کی شہادت نے قوم کو مضبوط اور متحد کیا اور پاکستان جلد ایک پر امن ملک ہو گا۔
ان کا کہنا تھا کہ 16 دسمبر 1971 پاکستان کے لیے انتہائی اہم ہے کیونکہ اسی تاریخ کو سقوط ڈھاکہ کا سانحہ پیش آیا۔
