جنوبی افریقہ کو ہوم گراؤنڈ پر شکست دینے والی پاکستانی ٹیم کے کپتان محمد رضوان کا کہنا ہے کہ ہم بے تابی سے اپنے ہوم کراؤڈ کے سامنے کھیلنے اور 8 ٹیموں کے ٹورنامنٹ میں شاندار کارکردگی کا مظاہرہ کرنے کے لیے منتظر ہیں۔
یہ بھی پڑھیں:چیمپئنز ٹرافی: محمد رضوان نے پاکستانی شائقین کو اچھے میزبان کی خصوصیت بتادی
میڈیا رپورٹ کے مطابق کا کہنا ہے کہ کرکٹ سے محبت کرنے والے ملک کے طور پر ہم سب آئی سی سی چیمپئنز ٹرافی 2025 کی میزبانی کے لیے بہت پُرجوش ہیں۔
وائٹ بال کپتان نے جنوبی افریقہ میں ملنے والی کامیابی کے حوالے سے کہا کہ ون ڈے میں اللہ کی مدد سے اچھی کارکردگی کا مظاہرہ کرنے سے میگا ایونٹ کے لیے جوش و خروش اور ٹیم کی تیاری اور تعمیر میں اضافہ ہوا ہے۔
انہوں نے آئی سی سی چیمپئنز ٹرافی کی میزبانی ایک بہترین موقع قرار دیتے ہوئے کہا کہ پاکستان 28 برسوں میں اپنے یہاں پہلے آئی سی سی ایونٹ کا خیرمقدم کرتا ہے اور خاص طور پر چونکہ ہم دفاعی چیمپئن ہیں۔ ہم اپنے مداحوں کی امیدوں پر پورا اترنے کی کوشش کریں گے۔
