پی ٹی آئی کی جانب سے 26 نومبر کو اسلام آباد میں احتجاج کیخلاف درج مقدمات میں اسلام آباد کی ضلعی عدالت نے عمران خان کی اہلیہ بشری بی بی کی 13 جنوری تک عبوری ضمانت منظور کرلی ہے۔
بشریٰ بی بی کیجانب سے ڈسٹرکٹ اینڈ سیشن کورٹس اسلام آبادمیں عبوری ضمانتوں کی دائر درخواستوں کی سماعت ڈیوٹی جج شبیر بھٹی نے کی، بشریٰ بی بی اپنے وکلا کے ہمراہ کمرہ عدالت میں پیش ہوئیں۔
یہ بھی پڑھیں:بشریٰ بی بی نے 9 مئی کے 23 مقدمات میں اے ٹی سی میں سرنڈر کردیا
عدالت نے 50 50 ہزار روپے کے مچلکوں کی عوض بشریٰ بی بی کی عبوری ضمانت منظور کرلی ہے، بشریٰ بی بی کیخلاف تھانہ ترنول میں ایک اور 3 مقدمات تھانہ رمنا میں درج ہیں۔
واضح رہے کہ 26 نومبر کے روز اسلام آباد کے ڈی چوک پر احتجاج سے متعلق درج مقدمات میں عبوری ضمانت کے لیے بانی پی ٹی آئی عمران خان کی اہلیہ بشریٰ بی بی ضمانت کے لیے جوڈیشل کمپلیکس پہنچی تھیں۔
مزید پڑھیں:بشریٰ بی بی کی 32 مقدمات میں عبوری ضمانت منظور
تاہم وہاں پہنچنے پر انہیں بتایا گیا کہ آج انسداد دہشت گردی عدالت کی چھٹی ہے، لہذا انہیں اسلام آباد کی ضلعی عدالت میں ڈیوٹی جج کے روبرو پیش ہونے کی ہدایت کی گئی تھی۔
