قومی ایئرلائن پی آئی اے کی گوادر کی پرواز میں فنی خرابی کے باعث طیارے نے واپس کراچی ایئرپورٹ پر بحفاظت لینڈ کرلیا ہے۔
ترجمان پی آئی اے کے مطابق پرواز پی کے 503 صبح 8 بج کر 13 منٹ پر کراچی سے گوادر کے لیے روانہ ہوئی، روانگی کے بعد پائلٹ نے طیارے کے انجن میں فنی خرابی سے ایئر ٹریفک کنٹرولر کو آگاہ کر کے واپس کراچی ایئرپورٹ پر بحفاظت لینڈنگ کی۔
یہ بھی پڑھیں:یورپ کے لیے پروازیں، پی آئی اے کا کڑا امتحان
ترجمان کے مطابق شعبہ انجنیئرنگ سے کلیئرنس ملتے ہی پرواز کو واپس گوادر روانہ کیا جائے گا۔
دو روز قبل وزیر اعظم پاکستان شہباز شریف نے نیو گوادر انٹر نیشنل ایئر پورٹ سے پروازیں شروع کرنیکی منظوری دی تھی قومی فضائی کمپنی نیو گوادر انٹرنیشنل ایئرپورٹ سے ہفتہ وار 3 پروازیں اندرون ملک چلایا کرے گی.
مزید پڑھیں:پی آئی اے نے دوران پرواز تصویر اور ویڈیو بنانے پر پابندی کیوں عائد کی؟
جبکہ ہفتہ میں 2 بین الاقوامی پروازیں سلطنت عمان کے دارالحکومت مسقط کے لیے چلائی جائیں گی، اجلاس میں بتایا گیا تھا کہ مسقط کے لیے 10 جنوری سے پروازوں کا آغاز کیا جائے گا۔
دو روز قبل وزیر اعظم شہباز شریف نے نیو گوادر انٹرنیشنل ایئرپورٹ سے پروازیں شروع کرنے کی منظوری دی تھی قومی فضائی کمپنی نیو گوادر انٹرنیشنل ایئرپورٹ سے ہفتہ وار 3 پروازیں اندرون ملک چلایا کرے گی.
مزید پڑھیں:پی آئی اے نے کراچی سے تربت کے لیے پروازیں دوبارہ شروع کر دیں
دوسری جانب ہفتہ میں 2 بین الاقوامی پروازیں سلطنت عمان کے دارالحکومت مسقط کے لیے چلائی جائیں گی، اجلاس میں بتایا گیا تھا کہ مسقط کے لیے 10 جنوری سے پروازوں کا آغاز کیا جائے گا۔
