مقامی اخبار میں شائع خبر کے مطابق چیف جسٹس پاکستان عمرعطا بندیال نے سینئر وکیل لطیف آفریدی کے قتل کو بڑا نقصان قراردے دیا۔
سپریم کورٹ میں ایک کیس کی سماعت کے دوران چیف جسٹس پاکستان نے کہا کہ لطیف آفریدی بہت بڑی شخصیت تھے۔
چیف جسٹس نے وکیل افتخار گیلانی نے استفسار کیا کہ کیا لطیف آفریدی کا تعلق کوہاٹ سے تھا؟ اس پر وکیل افتخار گیلانی نے کہا کہ لطیف آفریدی کا تعلق فرنٹیئر ریجن سے تھا، انہیں بار روم میں قتل کیا گیا، مجھے اس واقعہ نے رنجیدہ کردیا ہے۔
اس پر جسٹس عمر عطا بندیال نے کہا کہ لطیف آفریدی کا قتل افسوسناک واقعہ ہے۔
