مشیر اطلاعات خیبرپختونخوا بیرسٹر ڈاکٹر سیف نے کہا ہے گرینڈ جرگے کے معاہدے کے مطابق کرم میں ہر حال میں امن کو یقینی بنایا جائے گا اور امن دشمنوں سے آہنی ہاتھوں سے نمٹا جائے گا۔
مزید پڑھیں: کرم فائرنگ: امن معاہدے کو نقصان پہنچانے کی کوشش، صدر اور وزیراعظم کی شدید مذمت
بیرسٹر ڈاکٹر سیف نے کہا کہ ڈپٹی کمشنر پر حملہ امن کو سبوتاژ کرنے کی ناکام مذموم سازش تھی۔ کرم کے عوام امن دشمن عناصر سے ہوشیار رہیں۔ علاقے میں پائیدار امن کے لیے انتظامیہ اور حکومت کے ساتھ تعاون کریں۔
مزید پڑھیں: کرم فائرنگ ان عناصر کی کارستانی ہے جو علاقے میں امن کی بحالی نہیں چاہتے، علی امین گنڈاپور
انہوں نے کہا کہ وزیراعلیٰ نے سختی سے واقعہ کا نوٹس لیا ہے اور ملوث افراد کو کیفر کردار تک پہنچانے کی ہدایت کی ہے۔ سیکیورٹی خدشات کے پیش نظر قافلے کو وقتی طور روک دیا گیا ہے۔ کلیئرنس ملنے کے بعد عنقریب قافلے کو روانہ کیا جائے گا۔
