پاکستانی شوبز انڈسٹری کی معروف اداکارہ نمرہ خان نے حال ہی میں اپنی دوسری شادی کی خوشخبری مداحوں کے ساتھ شیئر کی تھی تاہم ابتدائی طور پر انہوں نے اپنے شریکِ حیات کا چہرہ ظاہر نہیں کیا تھا جس کے باعث سوشل میڈیا صارفین میں خاصا تجسس پایا جا رہا تھا۔
اب اداکارہ نمرہ خان نے فوٹو اینڈ شیئرنگ ایپ انسٹاگرام پر اپنے نکاح کی تصاویر جاری کر دی ہیں جن میں ان کے شوہر کا چہرہ واضح طور پر دیکھا جا سکتا ہے۔ تصاویر کے ساتھ انہوں نے اللہ تعالیٰ کا شکر ادا کرتے ہوئے اپنی نئی زندگی کے لیے دعا بھی کی۔
View this post on Instagram
اپنی پوسٹ میں انہوں نے لکھا یا اللہ، ہماری اس رفاقت کو بے پناہ محبت، صبر اور برکت سے نواز دے اور ہمارے دلوں کو ہمیشہ اپنی یاد میں جوڑے رکھ۔ آمین۔ اداکارہ نے مزید دعا کرتے ہوئے کہا کہ اللہ ہر لڑکی اور ہر بچی کے نصیب اچھے کرے۔ آمین۔
واضح رہے کہ نمرہ خان پاکستانی ڈرامہ انڈسٹری کا ایک نمایاں نام ہیں جو اے مشتِ خاک، احرامِ جنون، اُڑان، خوب سیرت، باغی اور امِ عائشہ جیسے مقبول ڈراموں میں اپنی اداکاری کے جوہر دکھا چکی ہیں۔
