اڈیالہ جیل میں قید سابق وزیر اعظم عمران خان کی جانب سے سول نافرمانی کی تحریک کے پہلے مرحلے میں بیرون ملک مقیم پاکستانیوں نے ان کی ملک میں چ نہ بھیجنے کی اپیل لگتا ہے مسترد کردی ہے۔
اسٹیٹ بینک کے حالیہ اعداد وشمار کے مطابق گزشتہ برس دسمبر کے دوران بیرون ملک مقیم پاکستانیوں کی جانب سے غیر ملکی ترسیلاتِ زر میں 3.1 ارب ڈالر ریکارڈ کیے گئے ہیں۔
یہ بھی پڑھیں: مطالبات نہ مانے گئے تو اوورسیز پاکستانیوں سے ترسیلات زر نہ بھیجنے کی اپیل کروں گا، عمران خان
ترجمان اسٹیٹ بینک کے مطابق نمو کے لحاظ سے دسمبر 2024 کے دوران ترسیلاتِ زر میں سال بہ سال 29.3 فیصد اور ماہ بہ ماہ 5.6 فیصد اضافہ ریکارڈ کیا گیا ہے۔
اسٹیٹ بینک آف پاکستان کے اعلامیہ کے مطابق کارکنوں کی ترسیلاتِ زر میں مالی سال 2520کی پہلی ششماہی کے دوران مجموعی طور پر 17.8 ارب ڈالر آئے، جو مالی سال 2420 کی پہلی ششماہی کے موصول شدہ 13.4 ارب ڈالر کے مقابلے میں 32.8 فیصد اضافہ ہے۔
مزید پڑھیں: اٹلی میں مقیم محب وطن پاکستانیوں نے سول نافرمانی تحریک مسترد کردی، زرمبادلہ بڑھانے کا عزم
دسمبر 2024ء کے دوران ترسیلاتِ زر زیادہ تر سعودی عرب سے 770.6 ملین ڈالر، متحدہ عرب امارات سے 631.5 ملین ڈالر، برطانیہ سے 456.9 ملین ڈالر اور امریکا سے 284.3 ملین ڈالر رہی ہیں۔
واضح رہے کہ پاکستان تحریک انصاف کے مرکزی ترجمان شیخ وقاص اکرم کے مطابق عمران خان کی ہدایت پر سول نافرنی تحریک کا پہلا مرحلہ جاری ہے، جس میں بیرون ملک مقیم پاکستانیوں کو کال دی گئی ہے کہ وہ اپنی ترسلات پاکستان نہ بھجوائیں۔
مزید پڑھیں: پی ٹی آئی نے سول نافرمانی کی کال واپس لینے کی مشروط پیشکش کردی
پشاور میں پریس کانفرنس کے دوران شیخ وقاص اکرم نے کہا تھا کہ عمران خان کی ہدایت کے مطابق حکومت سے مذاکرات کے دوران 9 مئی اور 26 نومبر کے واقعات پر جوڈیشل کمیشن کے قیام کے بعد کال واپس لی جاسکتی ہے۔
