لاہور کا قذافی اسٹیڈیم کی تزئین و آرائش 30 جنوری 2025 تک مکمل کرلی جائے گی۔
یہ بھی پڑھیں: چیمپیئنز ٹرافی 2025: لاہور اور کراچی کے اسٹیڈیمز میچز کی شاندار میزبانی کے لیے تقریباً تیار
میڈیا سے گفتگو کرتے ہوئے پاکستان کرکٹ بورڈ (پی سی بی) کے ڈائریکٹر انفرااسٹرکچر قاضی جواد احمد نے پیش رفت کے بارے میں بتایا ہے وسیع پیمانے پر جاری تزئین و آرائش کا کام جلد ہی عالمی معیار کے کرکٹ مقابلوں کی میزبانی کے لیے تیار ہو جائے گا۔
پویلین مکمل
قاضی جواد احمد نے بتایا کہ جدید سہولیات سے آراستہ پویلین کی تزئین و آرائش 100 فیصد مکمل ہے۔
انہوں نے کہا کہ اس وقت پورے اسٹیڈیم میں سیٹوں کی تنصیب کا کام جاری ہے جو شائقین کے لیے زیادہ آرام دہ اور متحرک ماحول کو یقینی بناتا ہے۔
مزید پڑھیے: پاکستان کا کوئی اسٹیڈیم عالمی معیار کا نہیں، مگر اب کام ہوگا، چیئرمین پی سی بی محسن نقوی
اسکرینوں پر کام جمعے سے شروع ہوا ہے جو گراؤںڈ پر اور نشریاتی سامعین دونوں کے لیے بہترین ثابت ہوں گی۔
احمد نے مزید کہا کہ آئی سی سی نے قذافی اسٹیڈیم کی اپ گریڈیشن پر اطمینان کا اظہار کیا ہے جس سے پاکستان کی بڑے بین الاقوامی ایونٹس کی میزبانی کی بھرپور صلاحیت کا مظاہرہ ہوتا ہے۔
چیئرمین پی سی بی افتتاحی تاریخ کا اعلان کریں گے
قذافی اسٹیڈیم کی تعمیر نو کی متوقع افتتاحی تاریخ کا اعلان پی سی بی کے چیئرمین کریں گے۔ توقع ہے کہ تزئین و آرائش وقت پر مکمل ہو جائے گی۔
مزید پڑھیں: محسن نقوی نے لاہور، راولپنڈی اور کراچی اسٹیڈیمز کے نئے ڈیزائن کی منظوری دے دی
لاہور کا قذافی اسٹیڈیم سنہ 1959 میں تعمیر کیا گیا تھا تب سے یہاں لاتعداد مشہور میچ منعقد ہوئے جس کے دوران دنیائے کرکٹ کے متعدد ناقابل فراموش لمحات میں دیکھنے کو ملے۔
