پاپ گلوکارہ حدیقہ کیانی نے ایک تصویر شیئر کی ہے جس میں انہیں اپنی بہن کے ساتھ دیکھا جا سکتا ہے۔
فوٹو اینڈ ویڈیو شیئرنگ ایپ پر شیئر کی گئی تصویر میں حدیقہ کیانی اور ان کی بہن کی شکل ہو بہو ایک جیسی لگ رہی ہے جیسے وہ دونوں جڑواں ہوں۔ پوسٹ میں گلوکارہ نے اپنی بہن کو سالگرہ کی مبارکباد دی۔
View this post on Instagram
صارفین نے تصویر دیکھ کر تبصرہ کیا کہ کیا آپ دونوں جڑواں ہیں تو کئی صارفین کا کہنا تھا کہ حدیقہ کیانی خود کو ہی سالگرہ کی مبارکباد دے رہی ہیں۔
ایک صارف نے لکھا کہ ایک لمحے کے لیے انہیں لگا کہ یہ اے آئی سے تخلیق کردہ تصویر ہے۔
حدیقہ کیانی پاپ میوزک کے ساتھ ساتھ لوک گلوکاری میں بھی کمال رکھتی ہیں، ان کا شمار کامیاب گلوکاروں میں ہوتا ہے انہوں نے کئی قسم کے گانے گائے ہیں جو سپر ہٹ ہوئے ہیں خوبصورت انداز اور من کو چھونے والی آواز کی بدولت حدیقہ کیانی کے چاہنے والے دنیا بھر میں موجود ہیں ان کے مشہور گانوں میں ’بوہے باریاں‘، ’باری تھانی‘، ’ہونا تھا پیار‘، ’جاناں‘ اور ’دل جانیاں‘ شامل ہیں۔
واضح رہے کہ حدیقہ کیانی کی پہلی شادی 1997 میں ہوئی جس کے ناکام ہونے کے بعد انہوں نے دوسری شادی کی لیکن وہ بھی ختم ہوگئی، گلوکارہ کا ایک بیٹا نادِ علی ہے جسے انہوں نے 2005 میں پاکستان میں آنے والے ہولناک زلزلے کے متاثرین سے ایڈاپٹ کیا تھا۔
