بلوچستان کے ضلع قلات میں نامعلوم مسلح موٹر سائیکل سواروں نے فائرنگ کرکے 4 مزدوروں کو قتل کردیا۔
یہ بھی پڑھیں:قلات: معدنیات لے جانے والے قافلے پر شرپسندوں کا حملہ، 7 افراد زخمی
لیویز حکام کے مطابق فائرنگ کا واقعہ تحصیل منگچر کے علاقے ریگانزئی میں پیش آیا، جہاں مارے جانے والے مزدور ٹیوب ویل کے لیے ڈرلنگ کا کام کررہے تھے۔
جاں بحق افراد کی لاشیں آر ایچ سی سینٹر منگچر منتقل کر دی گئی ہیں، قتل ہونے والے مزدوروں کا تعلق پنجاب کے علاقے صادق آباد سے بتایا جاتا ہے۔
یہ بھی پڑھیں:قلات میں سیکیورٹی فورسز کا آپریشن: 23 دہشتگرد ہلاک، 18 جوان شہید
فائرنگ کا نشانہ بننے والوں میں منور حسین ولد مختیار احمد، ذیشان ولد خالد محمود، دلدار چین ولد عابد حسین، محمد امین ولد منیر احمد شامل ہیں، یہ لوگ کافی عرصے سے قلات میں مزدوری کررہے تھے۔
