ایف آئی اے نے پی ٹی آئی رہنما فرخ حبیب کو بیرون ملک جانے سے روک دیا ہے۔ فرخ حبیب پی آئی اے کی پرواز پی کے 203 کے ذریعے دبئی جا رہے تھے۔ ائیرپورٹ ذرائع کا کہنا ہے کہ فرخ حبیب کا نام سٹاپ لسٹ میں ہونے کی وجہ سے انہیں روکا گیا ہے۔
ایف آئی اے نے ائیرپورٹ پر فرخ حبیب کو گرفتار کرنے کی کوشش بھی کی لیکن فرخ حبیب گرفتاری کی کوشش سے بچ کر ائیر پورٹ سے واپس روانہ ہو گئے۔
ایف آئی اے نے فرخ حبیب کا پاسپورٹ، بورڈنگ کارڈ اور دستی سامان قبضے میں لے لیا ہے۔ فرخ حبیب نے آج دوپہر 2 بجکر 10 منٹ پر دبئی روانہ ہونا تھا۔
