لکی موٹر کارپوریشن نے اپنی کِیا اسپورٹیج ایل ہائبرڈ گاڑیوں کی ایکس فیکٹری قیمتوں میں 8 لاکھ روپے تک کمی کا اعلان کر دیا۔
یہ بھی پڑھیں: ہونڈا گاڑیوں کی لاگت میں 9 ارب ڈالر کی کمی کا منصوبہ، سپلائرز کو قیمتیں کم کرنے کی بھی ہدایت، وجہ کیا ہے؟
نئی قیمتوں کا اطلاق 3 نومبر سے محدود مدتی پروموشنل آفر کے تحت ہورہا ہے۔
کمپنی کے نوٹیفکیشن کے مطابق 1.6 ٹربو ایف ڈبلیو ڈی ایچ ای وی ویرینٹ کی قیمت میں 7 لاکھ روپے کمی کی گئی ہے جس کے بعد اس کی نئی قیمت ایک کروڑ 21 لاکھ 99 ہزار سے کم ہو کر ایک کروڑ 14 لاکھ 99 ہزار روپے ہو گئی ہے۔
اسی طرح 1.6 ٹربو اے ڈبلیو ڈی ایچ ای وی ویرینٹ کی قیمت میں 8 لاکھ روپے کمی کی گئی ہے اب یہ گاڑی ایک کروڑ 32 لاکھ 99 ہزار روپے کے بجائے ایک کروڑ 24 لاکھ 99 ہزار روپے میں دستیاب ہوگی۔
کمپنی کے مطابق پروموشنل قیمتیں ان تمام نئی بکنگز پر لاگو ہوں گی جو ڈیلر مینجمنٹ سسٹم میں بک کی جائیں گی اور جن کی مکمل ادائیگی 30 نومبر تک وصول ہو جائے گی۔
مزید پڑھیے: پاکستان کی نئی آٹو پالیسی، کیا عام پاکستانی کا گاڑی خریدنے کا خواب پورا ہو پائے گا؟
لکی موٹر نے تمام نئی کِیا اسٹونک ٹربو کی بکنگز بھی کھول دی ہیں۔
نوٹیفکیشن میں کہا گیا ہے کہ تمام ادائیگیاں لکی موٹر کارپوریشن کے نام، برائے کسٹمر نام اکاؤنٹ میں جمع کرانی ہوں گی۔
کمپنی کا کہنا ہے کہ اگر حکومت کی جانب سے کوئی نیا ٹیکس، ڈیوٹی یا اضافی چارجز عائد کیے جاتے ہیں تو اس سے قیمت میں جو بھی رد و بدل ہوگا وہ ڈیلیوری کے وقت لاگو ہوگا اور کسٹمر کو برداشت کرنا ہوگا۔
مزید پڑھیں: جرمن آٹو موبائل کمپنی ووکس ویگن کی گاڑیوں کی فروخت میں نمایاں کمی، وجہ کیا ہے؟
کمپنی نے واضح کیا کہ یہ ایکس فیکٹری قیمتیں ہیں جن میں فریٹ اور انشورنس چارجز شامل نہیں ہیں۔
