مختلف علاقوں میں آٹا تیار کرنے کے مختلف طریقے اپنائے جاتے ہیں۔ شہری علاقوں میں بڑی بڑی ملوں میں گندم کا آٹا بنایا جاتا ہے جبکہ یہی کام پہاڑی علاقوں میں پن چکی سے لیا جاتا ہے۔
بات کی جائے پن چکی کی تو یہ پہاڑی علاقوں میں دریا کے پانی کے پاس جگہ جگہ نظر آتی ہیں۔ پن چکی کے لیے دریا سے پانی ایک کچی نہر کے ذریعے الگ کر دیا جاتا ہے۔ اور پن چکی کو ایسی جگہ ہر بنایا جاتا ہے جہاں سے پانی اتنی قوت سے نیچے آئے کہ بھاری بھرکم پتھر کی سل کو گھما سکے۔
یہ بھی پڑھیں: کیا اس سال پاکستان میں گندم کا بحران پیدا ہوسکتا ہے؟
پہاڑی علاقوں میں پن چکی میں مکئی کا آٹا بھی پیسا جاتا ہے جس کی روٹیاں ان علاقوں میں بہت شوق سے کھائی جاتی ہیں۔ وہاں مکئی کی فصل زیادہ ہونے کے باعث پن چکی کا استعمال زیادہ ہوتا ہے۔ اس کے استعمال کی وجہ یہ ہے کہ اس کا آٹا کھانے میں ذائقے دار ہوتا ہے۔ اس پن چکی میں چاول کا آٹا اور بیسن بھی بنایا جاتا ہے جبکہ گندم کا آٹا بجلی سے چلنے والی مشین میں پیسا جاتا ہے۔
