محکمہ موسمیات نے ہیٹ ویو الرٹ جاری کرتے ہوئے کہا ہے کہ آئندہ ہفتے سے ملک کے بیشتر علاقے شدید گرمی کی لپیٹ میں رہیں گے، شدید گرمی سے ہیٹ ویو کا خطرہ ہے۔
یہ بھی پڑھیں: ملک بھر میں خشک موسم کے باعث گرمی کی شدت میں بتدریج اضافہ
محکمہ موسمیات کے مطابق آئندہ ہفتے سے ملک میں شدید گرمی کا امکان ہے، 14 اپریل سے ملک کے بیشتر علاقے شدید گرمی کی لہر سے متاثر ہوں گے۔
اعلامیے کے مطابق پنجاب، سندھ، بلوچستان کے جنوبی علاقوں میں 13 تا 18 اپریل درجہ حرارت 6 سے8 ڈگری معمول سے زیادہ ہوگا، وسطی و بالائی پنجاب، اسلام آباد، خیبرپختونخوا میں درجہ حرارت 4 سے 6 ڈگری زیادہ ہوگا۔
یہ بھی پڑھیں: کراچی میں مزید 2 روز تک شدید گرمی کی پیش گوئی
محکمہ موسمیات کے مطابق اس دوران شمالی علاقہ جات میں درجہ حرارت بڑھنے سے برف پگھلنے کی شرح میں اضافہ ہوگا جبکہ گرد آلود ہوائیں چلنے سے انفرا اسٹرکچر کو نقصان پہنچ سکتا ہے۔
محکمہ موسمیات نے شہریوں کو ہدایت کی ہے کہ شہری دھوپ میں کم نکلیں اور پانی کا زیادہ استعمال کریں۔
