بلوچستان کے دارالحکومت کوئٹہ میں سریاب روڈ پر پیپلزپارٹی کے ممبر صوبائی اسمبلی علی مدد جتک کی ریلی کے قریب دھماکا ہوا ہے، جس میں ایک شخص جاں بحق ہوگیا، جبکہ 11 افراد زخمی ہیں۔
یہ بھی پڑھیں بلوچستان میں دہشتگردی کی بھارتی سرپرستی کے شواہد منظر عام پر
کوئٹہ پولیس کے مطابق پیپلزپارٹی کے رکن صوبائی اسمبلی علی مدد جتک دھماکے میں محفوظ رہے۔
ریسکیو ذرائع کے مطابق دھماکے میں ایک شخص جاں بحق ہوگیا، اور 11 افراد زخمی ہیں، جنہیں اسپتال منتقل کردیا گیا، جبکہ ایک گاڑی کو بھی نقصان پہنچا ہے۔
میڈیا کوآرڈینیٹر محکمہ صحت ڈاکٹر وسیم بیگ نے کہاکہ واقعہ کے 12 زخمیوں کو سول اسپتال لایا گیا جنہیں ابتدائی طبی مدد فراہم کی گئی اس دوران زخموں کی تاب نہ لاتے ہوئے ایک شخص چل بسا جس کی شناخت محبوب علی کے نام سے ہوئی۔
یہ بھی پڑھیں کوئٹہ کو خطرناک دہشتگردی سے بچا لیا گیا، سی ٹی ڈی بلوچستان
پیپلزپارٹی کے رکن اسمبلی کی قیادت میں ریلی جشن فتح کی مناسبت سے ہونے والے جلسے میں شرکت کے لیے ہاکی گراؤنڈ جارہی تھی۔
واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر تحقیقات شروع کردی گئی ہیں۔
