امریکی صدر ڈونلڈ ٹرمپ نے پاکستان اور انڈیا کے مابین جنگ بندی کو سفارتی محاذ پر اپنی سب سے اہم کامیابی قرار دی ہے۔
فوکس نیوز کو انٹرویو دیتے ہوئے انہوں نے کہا کہ میں نے فون اٹھایا اور دو نیوکلیئر طاقتوں کو ممکنہ تباہی سے پیچھے ہٹا دیا۔
یہ بھی پڑھیے: پاکستان اور بھارت کی جنگ میں لاکھوں لوگ قتل ہوسکتے تھے، ڈونلڈ ٹرمپ
ڈونلڈ ٹرمپ کا کہنا تھا کہ پاکستان اور امریکا بڑی ایٹمی طاقتیں ہیں معمولی نہیں، وہ غصے میں تھے۔ دونوں ترکی بہ ترکی جواب دے رہے تھے اور معاملہ گہرا ہوتا جارہا تھا۔ کشیدگی کم کیے بغیر اگلا مرحلہ غالباً نیوکلیئر جنگ تھا۔
صدر ٹرمپ نے بھارت کا ذکر کرتے ہوئے کہا کہ اس کا شمار دنیا کے ان ممالک میں ہوتا ہے جہاں درآمدات پر سب سے ٹیرف عائد ہے اور انڈیا کے ساتھ تجارت کرنا تقریباً ناممکن ہو گیا ہے۔
ایک سوال کے جواب میں کہ کیا بھارت کے ساتھ معاہدہ ہونے جا رہا ہے، اس پر صدر ٹرمپ نے کہا، مجھے کوئی جلدی نہیں ہے۔ ہر کوئی ہمارے ساتھ ڈیل کرنا چاہتا ہے۔
صدر ٹرمپ نے تجارتی معاہدوں کے حوالے سے کہا کہ اگر وہ بیجنگ کے ساتھ معاہدہ نہ کرتے تو چین ٹوٹ ہو گیا ہوتا۔
امریکی صدر نے پاکستانیوں کی تعریف کرتے ہوئے کہا کہ پاکستانی ذہین لوگ ہیں، وہ حیرت انگیز اشیاء تیار کرتے ہیں۔ ڈونلڈ ٹرمپ کا کہنا تھا کہ امریکا اور پاکستان کے درمیان اچھے تعلقات کے باوجود باہمی تجارت بہت کم ہے، پاکستان امریکا سے تجارت کا خواہشمند ہے اور انہوں نے اس سمت میں بات چیت کی ہے۔
یہ بھی پڑھیے: پاکستان اور بھارت کو بتا دیا تھا جنگ نہ روکنے پر امریکا آپ سے تجارت نہیں کرےگا، ڈونلڈ ٹرمپ
انہوں نے تجارتی مراعات کے ذریعے امن قائم کرنے کی کوشش کو سراہتے ہوئے کہا کہ میں تجارت کو دشمنیاں ختم کرنے اور امن قائم کرنے کے لیے استعمال کررہا ہوں۔
امریکی صدر نے امن قائم ہونے پر انڈیا کے لیے امریکی برآمدات پر ٹیرف 100 فیصد کم کرنے کا وعدہ بھی کیا۔
