پاکستان سپر لیگ 10 کا میلہ ایک بار پھر راولپنڈی میں سج گیا ہے، میچ کے آغاز سے قبل مسلح افواج پاکستان کو خراج تحسین پیش کیا گیا۔
یہ بھی پڑھیں: پی ایس ایل سیزن 10 کے بقیہ میچز کا شیڈول جاری
راولپنڈی کرکٹ اسٹیڈیم میں کراچی کنگز اور پشاور زلمی کے درمیان میچ شروع ہونے سے قبل کھلاڑیوں اور آفیشلز نے پاکستان کی بہادر مسلح افواج کے ساتھ بھرپور یکجہتی کا اظہار کیا اور زبردست خراج تحسین پیش کیا۔
چیئرمین پاکستان کرکٹ بورڈ محسن نقوی نے بھی مسلح افواج کو خراج تحسین پیش کرنے کی اس تقریب میں شرکت کی۔
پی ایس ایل 10 کا میلہ راولپنڈی میں دوبارہ سج گیا
کراچی کنگز اور پشاور زلمی کے درمیان میچ سے قبل کھلاڑیوں اور آفیشلز کا مسلح افواج سے بھرپور یکجہتی کا اظہار
پاکستان کی بہادر مسلح افواج کو زبردست خراج تحسین پیش کیا گیا
چئیرمین پاکستان کرکٹ بورڈ محسن نقوی کی بھی مسلح افواج کو… pic.twitter.com/Lu5qbeacOE
— Pakistan Cricket (@TheRealPCB) May 17, 2025
اسٹیڈیم میں قومی ترانہ پڑھا گیا جس کے دوران پاکستان زندہ باد کے نعرے بلند ہوئے۔ پورے اسٹیڈیم میں قومی پرچموں کی بہار دکھائی دی اور آخر میں آتش بازی کا شاندار مظاہرہ بھی کیا گیا۔ یہ منظر مسلح افواج کے ساتھ قوم کی گہری محبت اور اتحاد کا عکاس تھا۔
دریں اثنا پاکستان کرکٹ بورڈ نے پی ایس ایل کے 3 دن مسلح افواج پاکستان کے نام کردیے ہیں، جس کے مطابق آج کا دن بری فوج، کل کا دن پاکستان بحریہ اور پرسوں کا دن پاکستان فضائیہ کے نام کیا گیا ہے۔
