پاکستان تحریک انصاف کی جانب سے پنجاب اسمبلی کی نشست کے ٹکٹ ہولڈر میاں عباد فاروق کو اپنی ہی شیئر کی گئی ایک ویڈیو پر تنقید کا سامنا ہے۔
ٹوئٹر پر میاں عباد فاروق کے اکاؤنٹ سے شیئر کی گئی مختصر دورانیے کی ویڈیو کے کیپشن میں لکھا گیا کہ ’میاں عباد فاروق صبح سویرے فارم ہاؤس سے اپنے حلقے کی طرف روانہ۔‘
ویڈیو میں پی ٹی آئی کے رہنما کو مسلح باڈی گارڈز اور دیگر افراد کے درمیان میں کھڑے اور پھر چل کر آگے آتا دکھایا گیا ہے۔
پی ٹی آئی رہنما سے متعلق مناظر ٹائم لائنز پر آنے کے بعد صارفین کی توجہ کا مرکز بنے تو اسے ’دولت کی بے جا نمائش‘ اور ’عمران خان کی مڈل کلاس‘ کے طنزیہ تبصروں کا سامنا کرنا پڑا۔
تیمور ملک نے ویڈیو کو ری شیئر کرتے ہوئے لکھا کہ ’اس طرح کی ویڈیو بنانا ہی غلط تھا، آپ خود ہی اسے
Bad enough that such a video was made and you tweeting it yourself makes it worse. Such mistakes by a few raise unnecessary questions re the merit of many other young, hard working and deserving ticket holders. Delete this! https://t.co/bSpcQaGV1C
— Taimur Malik (@taimur_malik) May 4, 2023
شان علی قمبرانی ایڈووکیٹ نے لکھا کہ ’سر یہ پاکستان ہے یہاں ایسا ہی چلتا ہے۔‘ تو فائزہ مراد نے موقف اپنایا کہ ’انہی تماشوں کی وجہ سے موصول کو پارٹی ٹکٹ ملا ہے۔‘
نینا نے پی ٹی آئی رہنماؤں کو مینشن کرتے ہوئے میاں عباد الرحمن سے ٹوئٹ ڈیلیٹ کرنے کا مطالبہ کیا۔
ٹویپس کی جانب سے کی گئی مسلسل تنقید کے بعد پی ٹی آئی رہنما کے اکاؤنٹ سے ٹوئٹ ڈیلیٹ ہوئی تاہم اس وقت تک اسے پانچ لاکھ سے زائد لوگ دیکھ چکے تھے۔
مزید پڑھیں
یہ پہلا موقع نہیں کہ پی ٹی آئی رہنما میاں عباد فاروق اپنی کسی سرگرمی کی وجہ سے تنازع کا شکار ہوئے ہوں۔ ان کے ٹک ٹاک اور دیگر سوشل میڈیا اکاؤنٹس پر موجود مواد کی وجہ سے ماضی میں بھی تنقید کا سامنا رہا ہے۔
میاں عباد فاروق کے مطابق انہیں پارٹی چیئرمین عمران خان نے پنجاب اسمبلی کے حلقے پی پی 149 کے لیے پارٹی امیدوار مقرر کیا ہے اور انہیں پارٹی ٹکٹ بھی دیا جا چکا ہے۔
