معروف یوٹیوبر رجب بٹ نے اپنی اہلیہ ایمان فاطمہ کو طلاق کا قانونی نوٹس بھجوا دیا ہے جس کے بعد بعض حلقے ان کے درمیان صلح کی کوششیں کر رہے ہیں جن پر تاحال دونوں فریقین نے خاموشی اختیار کر رکھی ہے۔
حال ہی میں ایمان فاطمہ نے اپنے حالیہ سفر کی جھلکیاں مداحوں کے ساتھ شیئر کی ہیں۔ انہوں نے اپنے بھائی عون شیخ اور بیٹے کیوان کے ہمراہ تصاویر انسٹاگرام پر پوسٹ کیں جنہیں مداحوں کی جانب سے خوب سراہا جا رہا ہے۔
View this post on Instagram
اپنی پوسٹ کے کیپشن میں ایمان فاطمہ نے لکھا کہ سفر مرہم بن جاتا ہے اس لیے میں رکتی نہیں، خاموش مسکراہٹوں کے پیچھے طوفان چھپاتے ہوئے۔
شیئر کی گئی تصاویر میں پہلی تصویر میں ایمان فاطمہ مسکراتی ہوئی دکھائی دیں جبکہ دوسری تصویر میں انہوں نے اپنے بیٹے کیوان کے ننھے ہاتھوں کی جھلک پیش کی۔ تیسری تصویر میں ان کے بھائی عون شیخ بھی نظر آئے جبکہ ایک اور تصویر میں وہ آسمان کی جانب اشارہ کرتی دکھائی دیں۔
یہ بھی پڑھیں: طلاق کے اعلان کے بعد رجب بٹ اور ایمان فاطمہ کے درمیان صلح ہوگئی؟ قریبی دوست کا اہم دعویٰ
مداحوں نے اس پوسٹ کو ایمان فاطمہ کے جذبات کی عکاسی قرار دیا ہے اور سوشل میڈیا پر صارفین نے اپنی خواہش ظاہر کی کہ وہ رجب بٹ اور ایمان فاطمہ کی شادی قائم دیکھنا چاہتے ہیں۔
