مشرق وسطیٰ میں بڑھتی ہوئی کشیدگی کے پیش نظر اردن نے اپنی فضائی حدود تمام پروازوں کے لیے عارضی طور پر بند کرنے کا اعلان کر دیا ہے۔
اردنی سول ایوی ایشن اتھارٹی کی جانب سے جاری بیان میں کہا گیا ہے کہ یہ فیصلہ خطے میں جاری کشیدگی کے تناظر میں ممکنہ خطرات کے پیش نظر احتیاطی اقدام کے طور پر کیا گیا ہے۔
بیان میں مزید کہا گیا کہ اردنی فضائی حدود کو تمام پروازوں کے لیے عارضی طور پر بند کیا جا رہا ہے، تاکہ کسی بھی ممکنہ خطرے سے شہری و فضائی سلامتی کو بچایا جا سکے۔
مزید پڑھیں: اسرائیلی حملے غیر ذمہ دارانہ اور خطرناک ہیں، جوہری مذاکرات کے ثالث عمان کا ردعمل
یاد رہے کہ گزشتہ برس ایرانی میزائلوں نے، جو اسرائیلی فوجی اڈوں کو نشانہ بنا رہے تھے، اردن کی فضائی حدود عبور کی تھی، جس کے بعد سے عمان حساس نوعیت کی صورتِ حال میں پیشگی اقدامات کرتا رہا ہے۔ اردن کے اس فیصلے کو خطے میں جاری اسرائیل-ایران کشیدگی کے ممکنہ دائرہ کار سے بچاؤ کی کوشش قرار دیا جا رہا ہے۔
