چیف جسٹس آف پاکستان جسٹس یحییٰ آفریدی نے پشاور میں ایک تقریب سے خطاب کرتے ہوئے کہا ہے کہ ہمارا ہر قدم قانون کی بالادستی کے لیے اٹھایا جائے گا۔ ان کا کہنا تھا کہ بار اور بینچ کو کسی صورت الگ نہیں کیا جا سکتا، دونوں انصاف کے نظام کے لازم و ملزوم حصے ہیں۔
یہ بھی پڑھیں:جسٹس یحییٰ آفریدی کے چیف جسٹس بننے کے بعد ادارے میں کیا کچھ بدلا؟
انہوں نے نوجوان وکلا کو نصیحت کی کہ وہ سینئر وکلا سے سیکھنے کی کوشش کریں اور اُن کی جدوجہد کو یاد رکھیں جنہوں نے عدالتی نظام کی بنیادیں مضبوط کیں۔ چیف جسٹس کا کہنا تھا کہ نوجوانوں کو آگے بڑھ کر ترقیاتی منصوبوں کی حمایت کرنی چاہیے، کیونکہ ان کا فائدہ پوری قوم کو ہوتا ہے۔
اس موقع پر انہوں نے بار ایسوسی ایشن پر زور دیا کہ وہ ان منصوبوں کا ساتھ دے اور ساتھ ہی نومنتخب کابینہ کو مبارکباد بھی پیش کی۔
