لیونل میسی نے بلا اجازت سعودی عرب کا دورہ کرنے اور ٹریننگ نہ کرنے پر اپنے فرانسیسی فٹ بال کلب پیرس سینٹ جرمین اور ساتھیوں معافی مانگ لی ہے۔
اسٹار فٹ بالر لیونل میسی نے اپنی انسٹام گرام اسٹوری میں کہا ہے کہ ’میں یہ ویڈیو بنانا چاہتا تھا جو کچھ ہو رہا ہے اس پر میں سب سے پہلے میں اپنے ساتھیوں اور کلب سے معافی مانگنا چاہتا ہوں۔‘
لیونل میسی نے ویڈیو بیان میں کہا کہ ’میں نے خلوص دل سے سوچا کہ لورینٹ کے خلاف میچ کے بعد ہمارے پاس ایک آرام کا دن ہے۔‘
ان کا کہنا ہے کہ’میں نے اس سفر کا پہلے سے منصوبہ بنایا تھا، میں اپنے کیے پرمعافی مانگنا چاہتا ہوں اور میں انتظار کر رہا ہوں کہ کلب کیا فیصلہ کرتا ہے۔‘
View this post on Instagram
واضح رہے کہ گزشتہ دنوں لیونل میسی نے سعودی عرب کا دورہ کیا تھا۔ لیونل میسی کے فٹ بال کلب پیرس سینٹ جرمین کے عہدیداران کے مطابق لیونل میسی نے اپنے دورہ سعودی عرب کی کلب سے اجازت نہیں لی تھی۔
گذشتہ اتوار کو کو پارک ڈی پرنسز میں لورینٹ سے 3-1 سے شکست کے بعد پروموشنل ایونٹس میں شرکت کے لیے فرانس چھوڑنے اور بلا اجازت سعودی عرب جانے پر لیونل میسی کو فرانسیسی فٹ بال کلب نے دو ہفتوں کے لیے معطل کر دیا تھا۔
یہ بھی پڑھیں : میسی کو سعودی عرب جانا مہنگا پڑ گیا، فرنچ کلب نے 2ہفتے کے لیے معطل کر دیا
دوسری جانب سعودی وزیر برائے سیاحت احمد الخطیب نے لیونل میسی کی سعودی عرب میں اپنے اہل خانہ کے ساتھ آرام کرنے کی تصاویر کے ساتھ ٹوئیٹ کرتے ہوئے لکھا کہ ’مجھے میسی اور ان کے اہل خانہ کو سعودی عرب میں خوش آمدید کہتے ہوئے خوشی ہو رہی ہے تاکہ وہ سیاحتی مقامات سے لطف اندوز ہو سکیں۔‘
Messi & his family treated themselves to a delightful selection of international cuisine & a luxurious shopping experience in #ViaRiyadh followed by a fun-filled afternoon of games, VR experiences, & quality family time at Riyadh City Boulevard. #WelcomeMessi pic.twitter.com/3O6gRQEN4h
— Ahmed Al Khateeb أحمد الخطيب (@AhmedAlKhateeb) May 2, 2023
سعودی عرب کے وزیر برائے سیاحت احمد الخطیب نے اپنی ٹوئٹر پوسٹ پر لکھا کہ ’ہم دنیا بھر سے آنے والے زائرین کو سعودی عرب کے منفرد سفر اور اس کی مہمان نوازی کا تجربہ کرنے کے لیے خوش آمدید کہتے ہیں۔‘
خود میسی نے اس سے قبل اپنے انسٹاگرام پر سعودی سیاحت کے لیے ایک پروموشن پیغام پوسٹ کرتے ہوئے لکھا تھا کہ ’کس نے سوچا تھا کہ سعودی عرب میں اتنا سبزہ ہے؟ میں اس غیر متوقع عجائبات کو دریافت کرنا پسند کرتا ہوں۔‘
View this post on Instagram
یہاں یہ بات بھی قابل ذکر ہے کہ فرانسیسی دارالحکومت کے پریمیئر فٹ بال کلب پیرس سینٹ جرمین کے ساتھ لیونل میسی کا معاہدہ 30 جون کو ختم ہو رہا ہے اور اطلاعات گردش میں ہیں کہ 35 سالہ میسی مستقبل میں پیرس کے اس کلب سے اپنی وابستگی برقرار نہیں رکھ پائیں گے۔
یہ بھی پڑھیں : اسٹار فٹ بالر لیونل میسی کا بارسلونا کلب میں واپسی کا امکان
