چین کی خودکار ڈرائیونگ (Autonomous Driving) ٹیکنالوجی تیزی سے اپنی کامیابیوں کے جھنڈے گاڑ رہی ہے۔ وہ اب نہ صرف چین کی سڑکوں پر نئی شان اور زیادہ تیز رفتاری سے دوڑ رہی ہے بلکہ دنیا کے دیگر ممالک کی سڑکوں پر بھی پہلے کی نسبت زیادہ نظر آ رہی ہے۔ جدید ٹیکنالوجی، برق رفتاری، اور بڑھتی ہوئی عالمی طلب کے سبب اب چینی کمپنیاں دنیا بھر کی سڑکوں پر دوڑ رہی ہیں۔
سان ہوزے سے ریاض تک، چینی ٹیکنالوجی کا راج
چاہے وہ کیلیفورنیا کا سان ہوزے ہو یا سعودی عرب کا الُعلا، چینی خودکار گاڑیاں اب دنیا کے مختلف شہروں میں رواں دواں ہیں۔ وی رائیڈ اور پونی اے آئی جیسی معروف چینی کمپنیاں مشرق وسطیٰ سے یورپ تک، اپنی موجودگی بڑھا رہی ہیں۔
نمایاں کامیابیاں
WeRide کی گاڑیاں ریاض اور الُعلا میں سڑکوں پر دوڑ رہی ہیں۔
Pony.ai نے دبئی کی روڈز اینڈ ٹرانسپورٹ اتھارٹی کے ساتھ شراکت داری کا اعلان کیا ہے۔
Baidu Apollo Go نے 2025 کی پہلی سہ ماہی میں 1.4 ملین سواریوں کو خود کار سروس فراہم کی، جو گزشتہ برس کی نسبت 75 فیصد اضافہ ہے۔
یہ بھی پڑھیے ٹیسلا نے ٹیکساس میں بغیر انسانی ڈرائیور والی ٹیکسی سروس لانچ کردی
عالمی توسیع اور تعاون
چینی AV کمپنیاں اب امریکا، فرانس، اسپین، سوئٹزرلینڈ، سنگاپور، سعودی عرب اور متحدہ عرب امارات سمیت کئی ممالک میں فعال ہیں۔
Uber نے WeRide اور Pony.ai کے ساتھ شراکت داری کی ہے تاکہ ان کی خودکار گاڑیوں کو اپنے پلیٹ فارم پر شامل کیا جا سکے۔
فائدے صرف ٹرانسپورٹ تک محدود نہیں
چینی AV کمپنیاں نہ صرف خودکار گاڑیاں فراہم کر رہی ہیں بلکہ مقامی معیشت کو مضبوط کر رہی ہیں، روزگار کے مواقع بڑھا رہی ہیں اور صنعتی ترقی میں بھی کردار ادا کر رہی ہیں۔ مقامی فیکٹریاں، مینوفیکچرنگ کلسٹرز، R&D سینٹرز بن رہے ہیں۔ وی رائیڈ کے مطابق: فلیٹ مینجمنٹ، ٹیکنیکل سپورٹ اور سیفٹی آپریشنز میں ملازمتیں پیدا ہو رہی ہیں۔
ٹیکنالوجی کی بہتر کارکردگی کے لیے عالمی میدان
وی رائیڈ، پونی اے آئی اور Baidu جیسے ادارے مختلف جغرافیائی، ماحولیاتی اور قانونی حالات کے مطابق اپنی ٹیکنالوجی کو بہتر کر رہے ہیں۔
چیلنجز اور مشکلات
خود کار ڈرائیونگ ٹیکنالوجی کو ریگولیٹری پیچیدگیاں درپیش ہیں، تکنیکی مطابقت کے مسائل بھی ہیں جبکہ ڈیٹا پرائیویسی کے قوانین بھی ایک چیلنج ہیں۔ علاوہ ازیں ٹیسلا، ویمو اور کروز کے ساتھ مسابقت کا معاملہ بھی ہے۔ تاہم بڑے پیمانے پر کمرشلائزیشن اور پائیدار بزنس ماڈلز کی تشکیل سب سے بڑا چیلنج ہے۔
مستقبل کے لیے روڈ میپ کیا ہے؟
Pony.ai اور WeRide مشرقِ وسطیٰ، ایشیا اور یورپ میں توسیع کا ارادہ رکھتے ہیں۔
Baidu Apollo Go ابو ظہبی میں سب سے بڑا ڈرائیورلیس فلیٹ بنانے کی تیاری میں ہے۔
اس کے علاوہ نئے انرجی پارٹنرز کے ساتھ تعاون، بیٹری سویپنگ جیسی سروسز پر بھی کام جاری ہے۔
یہ بھی پڑھیے چینی کمپنی کے ہاتھوں پریشان ہوکر ٹیسلا نے کار سسٹم اپ گریڈ کردیا
ماہرین کا کہنا ہے کہ چینی خود کار ڈرائیونگ کمپنیوں کی دنیا بھر میں بڑھتی ہوئی موجودگی اور کامیابیاں ثابت کرتی ہیں کہ چینی خودکار ڈرائیونگ کمپنیاں ‘میڈ ان چائنا’ انوویشن کا نیا نشان بننے جا رہی ہیں۔
