وزیر اعلیٰ پنجاب مریم نواز نے پیٹرول پمپ کے ملازم پر تشدد کرنے والے شخص کی گرفتاری کی ویڈیو سوشل میڈیا پر شیئر کرتے ہوئے کہا ہے کہ یہ کارروائی ان مغرور افراد کے لیے واضح پیغام ہے جو دولت اور طاقت کے نشے میں غریبوں کو کمتر سمجھتے ہیں۔
یہ بھی پڑھیں: لاہور: مزنگ روڈ پر اسکوٹی سوار لڑکی پر تشدد، ملزم گرفتار، واقعہ کی تفصیل سامنے آگئی
مریم نواز کی جانب سے شیئر کی گئی ویڈیو میں پولیس کی حراست میں موجود شخص کو پیٹرول پمپ ملازم کو زور دار تھپڑ مارتے ہوئے دکھایا گیا ہے۔
وزیر اعلیٰ پنجاب نے اپنے پیغام میں کہا کہ بعض لوگ یہ سمجھتے ہیں کہ دولت اور اثر و رسوخ کی بدولت وہ قانون سے بالاتر ہیں اور کسی بھی عمل کے بعد سزا سے بچ سکتے ہیں، لیکن ایسا نہیں ہوگا۔
This is a tight slap in the face of those entitled, spoiled brats who look down upon the poor as if they were lesser human beings. They arrogantly believe that money and power put them above the law, allowing them to exploit, intimidate, and act with impunity.
Let me make one thing absolutely clear: As Chief Minister of Punjab, I stand firmly with the oppressed, regardless of how powerful their oppressors may be. No amount of wealth, influence, or political connections should enable anyone to escape accountability. Justice is not a privilege reserved for the rich and powerful; it is a fundamental right of every citizen. No one is above the law, and no victim should ever have to fight alone simply because the perpetrator has money or influence.
— Maryam Nawaz Sharif (@MaryamNSharif) October 23, 2026
مریم نواز کا کہنا تھا کہ وہ بطور وزیر اعلیٰ پنجاب مظلوم افراد کے ساتھ کھڑی ہیں، چاہے ان پر ظلم کرنے والا کتنا ہی بااثر کیوں نہ ہو۔
انہوں نے مزید کہا کہ دولت، اثر و رسوخ اور سیاسی تعلقات کسی کو بھی قانون کے سامنے جواب دہ ہونے سے نہیں بچا سکتے۔ انصاف صرف امیر اور طاقتور طبقے کا حق نہیں بلکہ ہر شہری کا بنیادی حق ہے۔
یہ بھی پڑھیں: اسلام آباد میں زیرحراست ملزم کو چھڑانے کے لیے پولیس پر حملہ، لائبہ اعجاز کیس کا مرکزی ملزم ہلاک
مریم نواز نے واضح کیا کہ قانون سے کوئی بالاتر نہیں اور کسی مظلوم کو اس لیے تنہا نہیں چھوڑا جاسکتا کہ اس کے مقابلے میں کھڑا شخص زیادہ طاقتور ہے۔ ان کے مطابق مظلوم کو انصاف دلانے کے لیے ہر ممکن کوشش کی جائے گی اور کسی کو بھی دولت یا طاقت کے بل پر قانون سے بچ نکلنے کی اجازت نہیں دی جائے گی۔
