ملکی مسائل پاکستانی سیاست میں کچھ بھی نتیجہ دکھا سکتے ہیں، شیخ رشید

عوامی مسلم لیگ کے سربراہ شیخ رشید نے کہاہے کہ ملک جن مسائل سے دوچار ہے وہ پاکستان کی سیاست میں کچھ بھی نتیجہ دکھا سکتا ہے، سپریم کورٹ جیتے گی اور الیکشن کروانے پڑیں گے۔

مائیکرو بلاگنگ ویب سائٹ ٹوئٹر پر اپنے پیغام میں سابق وزیر داخلہ شیخ رشید نے لکھا کہ حکومت اپنے اقتدار کو بچانے کے لیے سارے ملک کو سیاست کی بھٹی میں جھونک رہی ہے۔ ’سیاست سنگین اور گھمبیر ہو چکی ہے۔‘

سربراہ عوامی مسلم  کے مطابق ’نہ آئی ایم ایف ہے نہ پڑوسی ملکوں کی مدد ہے، کل عمران خان کی عدلیہ کے ساتھ کندھا بہ کندھا چلنے کی کال انتہائی کامیاب رہی، وہ وقت دور نہیں جب ساری قوم عمران خان قانون اور آئین کے حق میں نکلے گی۔‘

حکومت اپنےاقتدار کوبچانےکےلیےسارےملک کو سیاست کی بھٹی میں جھونک رہی ہےسیاست سنگین اورگھمبیر ہوچکی ہےنہ IMF ہے نہ پڑوسی ملکوں کی مدد ہےکل عمران خان کی عدلیہ کے ساتھ کندھا بہ کندھا چلنے کی کال انتہائی کامیاب رہی وہ وقت دور نہیں جب ساری قوم عمران خان قانون اور آئین کے حق میں نکلے گی

— Sheikh Rashid Ahmed (@ShkhRasheed) May 7, 2023

شیخ رشید نے اپنے پیغام میں لکھا کہ بلاول بھٹو نے بھارت جاکر جوکم عقلی اور ذہنی پستی کا مظاہرہ کیا ہے۔ مقبوضہ کشمیر میں اس کے خلاف غم و غصے کی لہر دوڑ گئی ہے۔ ہمیں ہر صورت مقبوضہ کشمیر کی جدوجہد آزادی کی حمایت کرنی ہے۔

ان کا کہنا ہے کہ ملک جن مسائل سے دوچار ہے وہ پاکستان کی سیاست میں کچھ بھی نتیجہ دکھا سکتا ہے۔ سپریم کورٹ جیتے گی اورحکمرانوں کو الیکشن کروانے پڑیں گے۔