موٹروے پولیس نے لاہور میں ایک شہری کے خلاف موٹروے پیدل کراس کرنے پر مقدمہ درج کرا دیا ہے۔
ترجمان موٹروے پولیس کے مطابق، شہری سجاد محمود نے شادیوال لاہور کے قریب موٹروے کو پیدل عبور کیا، جو قانوناً جرم ہے اور جان لیوا حادثات کا باعث بن سکتا ہے۔
موٹروے پولیس نے اس غیر قانونی اقدام پر تھانہ ہنجروال میں مقدمہ درج کرا دیا ہے۔
ایف آئی آر تعزیراتِ پاکستان کی دفعات 290 اور 291 کے تحت درج کرنے کے لیے استغاثہ جمع کروایا گیا ہے۔
یہ بھی پڑھیں:سکھر- حیدر آباد موٹر وے میں ایسا کیا ہے کہ یہ 12 سال میں مکمل نہیں ہوا؟
ترجمان موٹروے پولیس سید عمران احمد نے بتایا کہ اس قسم کی غیر ذمہ دارانہ حرکتیں ماضی میں کئی سنگین حادثات کی وجہ بن چکی ہیں۔
ان کا کہنا تھا کہ شہری فٹ برج استعمال کریں تاکہ اپنی اور دوسروں کی جان محفوظ رکھ سکیں۔
موٹروے پولیس نے عوام سے اپیل کی ہے کہ قانون کی پاسداری کریں اور موٹرویز جیسے حساس اور تیز رفتار ٹریفک زونز میں احتیاط برتیں۔
