سعودی عرب کی وزارت حج و عمرہ نے ’نسک‘ ایپ کو بغیرانٹرنیٹ ڈیٹا کے مکمل طور پر استعمال کرنے کی سہولت متعارف کرا دی ہے۔
یہ بھی پڑھیں:ریاض الجنہ میں نماز ادائیگی کا پرمٹ اب بذریعہ ایپ حاصل کریں
سعودی پریس ایجنسی کے مطابق یہ اقدام ٹیلی کمیونیکیشن کمپنیوں، ایس ٹی سی، موبائلی اور زین، کے تعاون سے شروع کیا گیا ہے، جس کا مقصد حجاج کرام کے سفر کو آسان بنانا اور حج و عمرہ کے دوران ان کے ڈیجیٹل تجربے کو بہتر بنانا ہے۔
#Saudi Ministry of Hajj and Umrah activates #Nusuk app for offline use by pilgrimshttps://t.co/7iGmdpcD3b@MoHU_En pic.twitter.com/so6Ywr5A0i
— Arab News (@arabnews) August 7, 2025
وزارت کے ترجمان غسان النعیمی کے مطابق، اس سہولت کے تحت مقامی سم کارڈ رکھنے والے افراد ’نسک‘ ایپ اور اس کی تمام خدمات کو بغیر فعال ڈیٹا پیکج یا انٹرنیٹ کنکشن کے استعمال کر سکتے ہیں۔
حجاج کرام اس ایپ کے ذریعے اجازت نامے حاصل کرنے، حرمین ہائی اسپیڈ ٹرین کے ٹکٹ بک کرنے، نقشوں کے ذریعے رہنمائی حاصل کرنے، مصنوعی ذہانت کی سہولت استعمال کرنے اور رپورٹس و سوالات جمع کرانے جیسی خدمات سے فائدہ اٹھا سکتے ہیں۔
مزید پڑھیں:روضہ رسول ﷺ کی زیارت اب مزید آسان، ہر 20 منٹ بعد بکنگ ممکن
نسک پلیٹ فارم کے سی ای او احمد المیمان نے کہا کہ یہ نئی سہولت ہجوم کی بہتر نگرانی، ضروری معلومات اور خدمات تک فوری رسائی، گمشدہ افراد کی تعداد میں کمی، اور داخلے کے وقت اجازت ناموں کی تصدیق کے عمل کو تیز بنانے میں معاون ثابت ہوگی۔
