سکھر میں 3 ہزار سے زیادہ طلبہ نے سبز ہلالی پرچم کا سب سے بڑا انسانی ماڈل بنا کر ایک تاریخی کارنامہ سر انجام دیا ہے۔
بدھ کو سکھر میں 3080 طلبہ نے معرکہ حق اور یوم آزادی کی مناسبت سے سبز ہلالی پرچم کا سب سے بڑا انسانی قومی پرچم تشکیل دے کر نیا ریکارڈ قائم کیا۔
پبلک اسکول سکھر میں 3,080 طلباء نے مل کر انسانی پاکستانی قومی پرچم تشکیل دیا
سکھر سے محمد اطہر اللہ کی رپورٹ#Pakistan #IndependenceDay #Sukkur #HumanFlag #PublicSchoolSukkur #14August #PakistanNews #JashneAzadi #MuhammadAtharullah #Patriotism pic.twitter.com/lBx5Rd4buN— APP (@appcsocialmedia) August 13, 2025
یہ تقریب سکھر کی تاریخ میں اپنی نوعیت کا پہلا منفرد ایونٹ تھا، جس میں پاکستان زندہ باد اور کشمیر بنے گا پاکستان کے فلک شگاف نعرے گونجتے رہے۔
کئی روز کی محنت اور ریہرسل کے بعد سبز و سفید لباس میں ملبوس بچوں نے بھرپور قومی جذبے کے ساتھ یہ تاریخی انسانی پرچم مکمل کیا۔
تقریب میں شہدا کو خراج تحسین پیش کیا گیا اور قومی یکجہتی، پاکستان کی سالمیت اور آزادی کے تحفظ کے لیے ہر قربانی کا عہد بھی کیا گیا۔
واضح رہے کہ ملک بھر میں پاکستانی قوم آج جشن آزادی پاکستان جوش و جذبے سے منا رہی ہے، اور شہدا کو خراج عقیدت پیش کیا جارہا ہے۔
