پاکستان تحریک انصاف (پی ٹی آئی) کے چیئرمین عمران خان اور پارٹی رہنما مسرت جمشید چیمہ کی 10 مئی کی مبینہ آڈیو سامنے آگئی۔
آڈیو میں سنا جاسکتا ہے کہ مسرت جمشید چیمہ کہہ رہی ہیں کہ ہم ادھر ہائی کورٹ میں بیٹھے ہوئےہیں، ہم کہہ رہے ہیں کہ ہم نہیں جائیں گے، کسی صورت بھی عمران خان کو پیش کریں۔
آڈیو میں چیئرمین پی ٹی آئی عمران خان اور مسرت چیمہ کی گفتگو کی تفصیل درج ذیل ہے۔
عمران خان: ہاں مسرت صورتحال کیا ہے، ان کو پہنچ گیا میسج؟
یہ جو مبینہ آڈیو رلیز کی گئی ہے اس میں ذکر چیف جسٹس اسلام آباد ہائی کورٹ کا ہو رہا ہے سپریم کورٹ کا نہیں۔ اور یہ دو روز پہلے کی کفتگو ایڈٹ ہے جب عمران خان ہائی کورٹ میں موجود تھے۔
ارباب اختیار کو سمجھنا ہو گا کہ ایسی حرکتوں سے کچھ حاصل نہیں ہوتا۔ اصل مسئلہ جمہوریت کی بحالی اور…— Hammad Azhar (@Hammad_Azhar) May 11, 2023
مسرت جمشید چیمہ: سر میں نے میسج پہنچایا ہے۔
مسرت جمشید چیمہ: ادھر ہائی کورٹ میں بیٹھے ہوئےہیں، ہم کہہ رہے ہیں کہ ہم نہیں جائیں گے، کسی صورت بھی عمران خان کو پیش کریں۔
عمران خان: نہیں، لیکن وہ خواجہ حارث ہے وہاں؟
مسرت جمشید چیمہ: خواجہ حارث، سلمان صفدر دونوں میرے ساتھ ہیں، میں ان کےساتھ بیٹھی ہوں، بات کراسکتی ہوں۔
عمران خان: اعظم سواتی سےبات کریں کہ سپریم کورٹ میں بھی اس پریہ ضرور کریں، یہ جو انہوں نےکیا ہے بالکل غیرقانونی چیز ہے۔
مسرت جمشید چیمہ: جی بالکل بالکل، سرآپ بے فکر ہوجائیں۔
عمران خان: یہ کیا کر رہا ہے، یہ جو چیف جسٹس ہے ان سے آرڈر لیتا ہے۔
ایک بار پھر پورے پاکستان سے گرفتاریوں کی اور شیلنگ کی خبریں موصول ہو رہی ہیں۔ لگتا ہے اعلی ترین عدالت کا فیصلہ کافی ناگوار گزرا ہے۔ دو روز پرانی آڈیو کو ایڈٹ کر کے ایک بار پھر اعلی عدلیہ پر حملہ کیا گیا۔ صبح اسلام آباد کی طرف سب لوگ روانہ ہوں۔ جمع کی نماز انشاللہ وہاں پڑھیں گے۔
— Hammad Azhar (@Hammad_Azhar) May 11, 2023
حماد اظہر کا آڈیو کال پر رد عمل
پی ٹی آئی رہنما حماد اظہر کا کہنا ہے کہ یہ جو مبینہ آڈیو ریلیز کی گئی ہے اس میں ذکر چیف جسٹس اسلام آباد ہائی کورٹ کا ہو رہا ہے نہ کہ چیف جسٹس سپریم کورٹ کا اور یہ اس وقت کی بات ہے جب عمران خان ہائی کورٹ میں موجود تھے۔
حماد اظہر نے کہا کہ مذکورہ گفتگو دو روز پہلے کہ ہے اور ایڈٹ شدہ ہے۔ انہوں نے مزید کہا کہ ارباب اختیار کو سمجھنا ہو گا کہ ایسی حرکتوں سے کچھ حاصل نہیں ہوتا کیوں کہ اصل مسئلہ جمہوریت کی بحالی اور آئین کی پاسداری ہے۔
عوام جمعے کو اسلام آباد پہنچے، حماد اظہر
اپنے ایک اور ٹوئٹ میں حماد اظہر نے کہا کہ ایک بار پھر پورے پاکستان سے گرفتاریوں کی اور شیلنگ کی خبریں موصول ہو رہی ہیں۔
انہوں نے کہا کہ لگتا ہے اعلیٰ ترین عدالت کا فیصلہ کافی ناگوار گزرا ہے اور دو روز پرانی آڈیو کو ایڈٹ کر کے ایک بار پھر اعلی عدلیہ پر حملہ کیا گیا۔
حماد اظہر نے عوام سے کہا کہ صبح اسلام آباد کی طرف سب لوگ روانہ ہوں اور جمعے کی نماز وہیں پڑھیں۔
