سیالکوٹ میں گزشتہ 24 گھنٹوں کے دوران ریکارڈ بارش ہوئی، جس نے تقریباً 5 دہائی پرانا مون سون کی بارشوں کا ریکارڈ توڑ دیا ہے۔
🚨 Streets of #Sialkot
💔 pic.twitter.com/mHTjgC23iK— Rizwan Shah (@rizwan_media) August 27, 2025
پاکستان میٹرولوجیکل ڈیپارٹمنٹ کے مطابق شہر میں 363 ملی میٹر سے زائد بارش ریکارڈ کی گئی ہے، جو اس سے قبل 6 اگست 1976 کو ہونے والی 339 ملی میٹر بارش سے زیادہ ہے۔
🔥🚨 355mm Rain Turns Sialkot into a River
Record-breaking 355mm rainfall drowns Sialkot the streets vanish under water, the entire city transformed into a vast, raging river.#SialkotFlood #RAIN pic.twitter.com/y2Pg4nAFZr
— Rizwan Shah (@rizwan_media) August 27, 2025
شدید بارش کے نتیجے میں شہر کے کئی علاقے پانی میں ڈوب گئے۔ رنگ پورہ، شہاب پورہ، دارا آرائیاں، علامہ اقبال چوک اور پریم نگر سمیت متعدد علاقوں میں گلیاں اور سڑکیں ندی نالوں کا منظر پیش کرنے لگیں۔ کئی گھروں میں پانی داخل ہوگیا جس سے شہریوں کو شدید مشکلات کا سامنا ہے۔
مزید پڑھیں: سیلابی صورتحال سے نمٹنے کے لیے پیشگی اقدامات کرلیے، عظمیٰ بخاری
انتظامیہ اور ریسکیو ادارے بارش کے پانی کی نکاسی اور متاثرہ لوگوں کو محفوظ مقامات پر منتقل کرنے میں مصروف ہیں۔ حکام کے مطابق بارش کے باعث ٹریفک کا نظام بھی متاثر ہوا جبکہ بعض مقامات پر بجلی کی فراہمی میں تعطل پیدا ہوا۔
یہ بھی پڑھیں: پنجاب میں سیلابی صورتحال سنگین، نشیبی علاقے خالی کرانے کے احکامات، فوج طلب
محکمہ موسمیات کا کہنا ہے کہ سیالکوٹ اور اس کے مضافات میں مزید بارش کا امکان ہے جس کے باعث متعلقہ اداروں کو الرٹ رہنے کی ہدایت دی گئی ہے۔
