پاکستان میں پہلی امریکی یونیورسٹی کا کیمپس قائم کردیا گیا۔ نیشنل انسٹیٹیوٹ آف ٹیکنالوجی (NIT) کا قیام ایک خصوصی شراکت داری کے تحت عمل میں آیا ہے، جو ایریزونا اسٹیٹ یونیورسٹی (ASU) اور NIT کے درمیان طے پایا ہے۔
یہ ASU کا پاکستان میں پہلا خصوصی تعاون ہے، جو ASU-Cintana الائنس کے تحت شروع کیا گیا ہے۔ اس ادارے میں طلبہ کو پاکستانی اور امریکی دونوں ڈگریاں حاصل کرنے کا موقع فراہم کیا جائے گا۔
یہ جدید کیمپس لاہور کے ڈیفنس ہاؤسنگ اتھارٹی (ڈی ایچ اے) فیز 7 کے قریب واقع ہے، جہاں عالمی معیار کی تعلیم، بین الاقوامی تبادلوں اور صنعت سے ہم آہنگ تعلیمی پروگرامز پیش کیے جائیں گے۔
یہ منصوبہ پاکستان کے تعلیمی نظام میں ایک انقلابی قدم کے طور پر دیکھا جا رہا ہے، جو طلبہ کو دنیا بھر کی 30 سے زیادہ یونیورسٹیوں کے عالمی نیٹ ورک سے جوڑے گا اور کاروبار و ٹیکنالوجی کے شعبوں میں مستقبل کے رہنما تیار کرے گا۔ مزید جانیے طارق بن نواز کی رپورٹ میں۔
