آئل اینڈ گیس ریگولیٹری اتھارٹی (اوگرا) نے اکتوبر کے مہینے کے لیے ایل پی جی کی قیمتوں میں کمی کردی۔
ایل پی جی کی قیمتوں میں کمی کا نوٹیفکیشن جاری کردیا گیا، جس کے مطابق ایل پی جی کی فی کلو قیمت میں 6 روپے 71 پیسے کمی کردی گئی ہے، جس کے بعد نئی قیمت 207 روپے 48 پیسے فی کلو مقرر کی گئی ہے۔
اسی طرح گھریلو استعمال کے لیے 11.8 کلوگرام کے سلنڈر کی قیمت میں 79 روپے 14 پیسے کی کمی کی گئی ہے، اور اب اس کی نئی قیمت 2448 روپے 33 پیسے ہو گی۔
آئل اینڈ گیس ریگولیٹری اتھارٹی (اوگرا) کے مطابق نئی قیمتوں کا اطلاق یکم اکتوبر 2025 سے ہوگا۔
