پاکستان مسلم لیگ ن کی چیف آرگنائزر مریم نواز نے کہا ہے کہ سنا تو یہ تھا کہ سیاسی لیڈران اور کارکنان نظریے کے لیے بہادری سے گرفتاریاں پیش کرتے ہیں مگر گھبراتے ہیں لیکن تاریخ میں پہلی مرتبہ ایک انقلابی جماعت ایسی سامنے آئی ہے جس کے لیڈر نے ڈر کے مارے ٹانگ پر پلستر چڑھا دیا۔
دیکھا سُنا اور پڑھا تو یہ تھا کہ سیاسی لیڈران اور کارکنان گھبراتے نہیں، نظریے کے لیے بہادری سے گرفتاریاں پیش کرتے ہیں، حوصلے سے قید وبند کا سامنا کرتے ہیں، بڑی سے بڑی قربانی دینے سے گریز نہیں کرتے، نا قابلِ تلافی نقصانات برداشت کرتے ہیں مگر تاریخ میں پہلی مرتبہ ایک انقلابی جماعت…
— Maryam Nawaz Sharif (@MaryamNSharif) May 16, 2023
سماجی رابطے کی ویب سائٹ پر اپنے ایک ٹوئٹ میں ان کا کہنا تھا کہ اس انقلابی جماعت کے لیڈران نے سر پر بالٹیاں رکھنے، ویل چیئرز پر بیٹھنے، اسپتالوں اور عدالت میں چھپنے سمیت جوتیاں چھوڑ کر بھاگ جانے کی نئی تاریخ رقم کی ہے۔
قبل ازیں اپنے ایک ٹوئٹ میں انہوں نے چیف جسٹس پاکستان کو تنقید کا نشانہ بناتے ہوئے کہا کہ اربوں کے ڈاکنے ڈالنے والے کتنے مجرموں کو آپ گڈ ٹو سی یو کہتے ہیں۔
مریم نواز نے کہا کہ کیا آپ ہر ایک کو جیل سے ریسٹ ہاؤس بھی شفٹ کرتے ہیں؟ سب پر اسی طرح ریمانڈ میں ضمانتوں کی برسات کرتے ہیں؟ کیا سب کو کہتے ہیں کہ 10 فیملی ممبران کو بلا لیں، گپیں لگائیں اور سو جائیں۔
اربوں کے ڈاکے ڈالنے والے کتنے مجرموں کو آپ گڈ ٹو سی یو کہتے ہیں؟ ہر ایک کو ریجسٹرار سے فون کروا کر مرسیڈیز بھی منگوا کر رخصت کرتے ہیں؟ ہر ایک کو جیل سے ریسٹ ہاؤس بھی شفٹ کرتے ہیں؟ سب پر اسی طرح ریمانڈ میں ضمانتوں کی برسات کرتے ہیں؟ سب کو کہتے ہیں دس فیملی میمبرز کو بلائیں، گپیں… https://t.co/gqyDDotKNE
— Maryam Nawaz Sharif (@MaryamNSharif) May 16, 2023
واضح رہے کہ منگل کے روز اسلام آباد ہائیکورٹ نے پی ٹی آئی رہنما فواد چوہدری کی گرفتاری کو غیر قانونی قرار دیتے ہوئے انہیں فوری رہا کرنے کے احکامات جاری کیے تھے لیکن عدالت سے نکلتے ہی پولیس نے ان کو دوبارہ گرفتار کرنے کی کوشش کی جس پر فواد چوہدری بھاگ کر عدالت پہنچ گئے۔
یہ بھی پڑھیں فواد چوہدری نے بھاگ کر رہائی کے بعد دوبارہ گرفتاری کی کوشش ناکام بنا دی
اس کے علاوہ چیف جسٹس عمر عطا بندیال نے عمران خان کو گڈ ٹو سی یو کہنے پر دو بار وضاحت پیش کی۔
چیف جسٹس عمر عطا بندیال نے سول مقدمے کی سماعت کے لیے وکیل مظہر اصغر سبزواری کے پیش ہونے پر انہیں دیکھ کر کہا کہ ’آپ کو دیکھ کر خوشی ہوئی ، آپ کافی وقت کے بعد میری عدالت میں آئے ہیں۔‘
یہ بھی پڑھیں ’آپ کو دیکھ کر خوشی ہوئی‘ چیف جسٹس نے اپنے ریمارکس کی وضاحت کر دی
چیف جسٹس پاکستان نے عمران خان کو ’گڈ ٹو سی یو‘ کہنے پر منگل کے دن ہی نہ صرف دوسری وضاحت دی بلکہ نیب ترامیم مقدمہ میں وکلاء کو بھی ’گڈ ٹو سی یو‘ کہہ دیا۔
